«عمرو دياب مش مطرب».. تصريح صادم من الموسيقار هاني مهنا يثير الجدل
حل الموسيقار الكبير هاني مهنا ضيفا مع الإعلامية ياسمين عز في برنامج «كلام الناس» عبر شاشة «MBC مصر»، متحدثا عن المشهد الغنائي الحالي، مقارنا بين مطربي الزمن الجميل ونجوم الجيل المعاصر.
مقارنة عمرو دياب بـ عبد الحليم حافظ
وحول من يشبه من المطربيين الحاليين بـ عمالقة الماضي، اختار هاني مهنا الفنان عمرو دياب ليشبهه بالعندليب عبد الحليم حافظ، قائلا: «فيه عمرو دياب.. بيفكرني بعبد الحليم حافظ، هو ذكي، عمرو مش مطرب.. إنما ذكي جدا ما شاء الله، بيكمل النواقص الفنية اللي المفروض تبقى في المطرب»، لافتا إلى أن هذا هو ما جعله يتربع على القمة لأكثر من 30 عاما.
لماذا لا يصنف الهضبة كمطرب؟
وردا على سؤال ياسمين عز حول استياء جمهور عمرو دياب من وصفه بأنه ليس مطربا، شرح مهنا وجهة نظره الموسيقية قائلا: «عمرو فنان ذكي جدا، بيعوض النقص الفني اللي في صوته بالذكاء، مش غلط.. أنا مش بقلل منه بالعكس، عمرو من النجوم اللي بيعيشوا كتير، شوف بقاله كام سنة، وفي نفس الوقت جمهوره ميزعلش لما أقول مش مطرب.. كلمة مطرب دي معناها اللي بيرتجل، وبعدين لما بيرتجل بتقولي له الله.. يعني بيقول قفلة موسيقية بصوته، فيه عربة كدة».
أم كلثوم وعبد الوهاب
وأشار إلى أن الحفاظ على النجومية في الوقت الحالي أصعب بمراحل مما كان عليه الوضع قديما، قائلا: «الحفاظ على النجومية صعب، زمان كان 2-3 اللي بيغنوا، دلوقتي فيه 2-3 مليون.. الفنان لازم يكون ذكي قوي عشان يعوض النواقص الفنية بذكاؤه، مفيش سرحان.. كل ده موجود في مواصفات فنان زي عمرو».
شادية حالة خاصة
وأكد هاني مهنا أنه لا يوجد في الجيل الحالي من يشبه الفنانة الراحلة شادية، معتبرا إياها حالة فنية فريدة لم تتكرر حتى الآن.
وفي سياق آخر، تحدثت الإعلامية ياسمين عز خلال برنامجها «كلام الناس»، عن الارتفاعات الكبيرة في أسعار الذهب، قائلة: «الذهب وصل لـ8000 جنيه.. قوم بيّع مراتك شبكتها قوم.. مراتك زهرة اللوتس لابسة ثروة تنافس بيها سميح ساويرس وأنت مش حاسس».
شبكة الزوجة ثروة
وأضافت ياسمين عز: «لو متجوز بدبلة ومحبس وسلسلة وانسيال بوزن 24 جرام.. هيبقى معانا حوالي 192 الف جنيه.. غير الغويشة اللي متجوزاك بيها، والغويشة اللي حماك هداها بيها.. ىيعني أنت معاك ثروة تحتكم عليها وانت كده راجل غني».
