ياسمين عز تثير الجدل: «استحمي بدل جوزك في الشتا.. إنتي تسقعي وهو يتدفى»
وجهت الإعلامية ياسمين عز مجموعة من النصائح للزوجات تزامنا مع موجة البرد التي تشهدها البلاد حاليا، مؤكدة على ضرورة تضحية الزوجة بدفئها في سبيل راحة زوجها، وذلك خلال برنامجها «كلام الناس» المذاع عبر شاشة «MBC مصر».
الجو صهد زمهرير صقيع
ووصفت ياسمين عز حالة الطقس الحالية قائلة: «الجو يا جماعة برد اليومين دول.. الجو برد صهد زمهرير ورياح وصقيع، مسمعش واحدة ست تقول لجوزها قوم استحمى.. الزوجة الأصيلة لازم تستحمى بدل جوزها في الشتا وتخليه هو مدفي.. أمال انتي دورك إيه في الحياة كزوجة؟.. انتي تسقعي وهو يدفي».
كوباية الماية واللحاف
وتابعت ياسمين عز: «متسيبيهوش يغسل كوباية.. انتي اغسليها ونشفيها ومش بس كدة، متدلوش الكوباية ساقعة لا، تفضلي تنفخي فيها لحد ما تسخن وتبقى دافية بعدين تديهاله»، مواصلة: «الزوجة الأصيلة تسيب اللحاف كله لجوزها يتغطى بيه ويتكلفت، انتي شوفيلك ملاية أو نامي لابسة تقيل وخلاص».
انتي مش أم كلثوم
واعتبرت ياسمين أن مرض الزوجة بسبب البرد شرفا، قائلة: «ولو بردتي وانتي نايمة أو صحيتي عندك برد كفاية فخر إنك بردتي في سبيل دفا جوزك أبو عيالك.. صوتك يروح مش مهم انتي مش أم كلثوم يا مدام».
وأكملت: «ولو جسمك بيوجعك من البرد ماتاخديش مسكن لأن المسكن والمادة الفعالة نايم جنبك على السرير وهو زوجك، يحط إيده عليكي يسقط الوجع.. المهم جوزك يفضل دفيان لأنه شقيان»، مواصلة: «الست بنت الأصول تنام لابسة شراب عشان لو رجليها المتلجة خبطت في رجل جوزها متصحهوش من النوم مفزوع».
وفي سياق سابق، تحدثت الإعلامية ياسمين عز عن حادث العثورعلى الفنانة السورية هدى شعراوي مقتولة بمنزلها، مشيرة إلى تحريات قوات الأمن التي اتجهت نحو إدانة خادمتها الشخصية.
ياسمين عز تنعي هدى شعراوي
وقالت عز، خلال حلقة اليوم من برنامج «كلام الناس» المذاع عبر شاشة إم بي سي مصر:«الله يرحمها هي مؤثرة وفنانة كبيرة جدا جدا وربنا يرحمها يا رب ويصبر أهلها».
وأضافت: «عايزة أقول خلو بالكم بلاش ثقة في حد، حتى لو عندك خادمة كويسة وبقالها كتير عندك بس هي مش واحدة من البيت، وما ينفعش تدخل في تفاصيل البيت، ده لو اختك مش هتدخل في حياتك، الزمن ده في حاجات كتير وحشة ولازم ناخد بالنا».
