ياسمين عز: إحنا جماعة الرفق بالإنسان بنطلب رفق بينا من حوادث الكلاب

تحدث الإعلامية ياسمين عز عن انتشار الكلاب الضالة في الشوارع.
وقالت: «أنا جالي هجوم من جماعة الرفق بالحيوان لما قولت رأيي في موضوع الكلاب ده، لأني قولت رأيي زي ما أكون قاعدة في البيت، أنا دلوقتي هاخد الموضوع من وجهة نظر معتدلة يعني في النص».

الكلاب الضالة تؤذي المواطنين

وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «بس حقيقي الكلاب بتسبب مشاكل كبيرة جدا، في 1400000 حالة عض من الكلاب الضالة في الشارع وتكلفة العلاج حوالي 1200 جنيه للمريض الواحد».

وأردفت: «شوفت فيديو ست بتصوت في جروب ستات عايزه تموت الكلاب، لكن احنا مش عايزين سم وقتل، بس بلاش برود في موضوع الكلاب لأنها فعلا بتعض، وفي كلاب كمان بتكون شرسة جدا لازم ناخد الموضوع بجد ونلاقي حل وسطي».

واختتمت عز حديثها قائلة: «إحنا جماعة الرفق بالإنسان عايزين رفق بالإنسان من حوادث عض الكلاب».

وفي سياق متصل، قالت الإعلامية ياسمين عز، خلال تقديم برنامجها «كلام الناس»، المذاع على شاشة قناة «إم بس سي مصر»: «لو خلاص دخلتي خطيبك ونزلتيه من على كتفك جوه باب الشقة تحفة، خطيبك جالكم البيت يشتغل بلقمته بقى، والا هتتحسب عليه خطوبة والسلام؟، لا بعد ما تتخطبي خطيبك هيزوركم مرة في الأسبوع هي مرة كفاية مش مرتين ولا تلاتة».  

خطيبك يعمل بلقمته

وأضافت:« خطيبك طول القعدة يفضل ياكل ويشرب ويمرح ويحلي ويحدق يقزقز ويمزمز ويتفرج على الماتش، لا خطيبك لازم يشتغل بلقمته وتستفيدي منه، خليه يصلح السخان والشفاط ويغير فيشة الدفاية ويغيرلكم اللمبة المحروقة لو بيفهم في السباكة خليه يصلح الحنية اللي بتنقط والحوض اللي بيسقط».  

كما وجهت الإعلامية ياسمين عز انتقادات للزوجات اللاتي يطلن البقاء في منزل أهاليهن، معتبرة أن هذا التصرف يؤثر على راحة الوالدين ويسبب إزعاجا للأشقاء بسبب تصرفات الأطفال.

كلي واتكلي على الله

وبدأت عز حديثها بمطالبة الزوجة بأن تكون خفيفة في زياراتها، قائلة: «إنتي بتبقي قاعدة عند أهلك ليه؟ ما تتغدي وروحي.. اتعزمي، كلي وتنبسطي وتمشي، بلاش فكرة إنك تاخدي عيالك السلاحف وتباتي بالأسبوع، كفاية كده».