نظام ابتزاز رسمي ولازم يتغير.. مظهر شاهين يطالب بإلغاء قائمة المنقولات
انتقد الدكتور مظهر شاهين إمام وخطيب مسجد عمر مكرم، استمرار العمل بـ قائمة المنقولات، متسائلا: يعني ايه قايمة منقولات ابقي أنا اللي شاريها كلها من أموالي وليس من مهر الزوجة، وبعد ما تُستهلك ابقي مطالب بردها أو بدفع قيمتها مرة أخري عند الانفصال وإلا فالسجن سوف يكون مصيري المؤكد؟
قائمة المنقولات ابتزاز
وأكدت مظهر شاهين أن قائمة المنقولات أشبه بالابتزاز ويجب إلغائها، قائلا: «ده نظام ابتزاز رسمي ولازم يتغير.. الزوجة من حقها الحصول علي المهر بشقيه المقدم والمؤخر والنفقات الشرعية وفقط، وبالتالي موضوع قائمة المنقولات يحتاج إلي إعادة نظر لوضع الأمور في إطارها الصحيح».
كتابة قائمة المنقولات الزوجية
كانت ردّت نهاد أبو القمصان المحامية الحقوقية ورئيس المركز المصري لحقوق المرأة على استفسار وردها حول كيفية كتابة قائمة المنقولات الزوجية “القايمة” في حالة تقاسم العريس والعروسة تجهيز الشقة "نص بالنص".
وأكدت أبو القمصان أن الوضع الطبيعي هو أن يتكفل العريس بكامل التجهيز باعتبار ذلك من المهر، مضيفة: "المفروض ابنك هو اللي يجهز كل حاجة؛ لكن بسبب الظروف الناس بتتشارك في كل حاجة".
ونصحت نهاد أبو القمصان الأسر بضرورة كتابة فقط ما أحضرته العروس في القايمة، موضحة أن هذا الأسلوب يحفظ لها حقها في حال حدوث أي خلاف مستقبلي، دون أن يتحول إلى خلاف حول المهر أو النية.
نهاد أبو القمصان تدافع عن حق العروس في مؤخر صداقها
وقالت المحامية الحقوقية في فيديو لها عبر حسابها الرسمي على موقع تبادل الصور والفيديوهات "إنستجرام": "المفروض ابنك اللي يجهز كل حاجة وطبعاوطبعا نتيجة الظروف اللي احنا فيها الناس بتتشارك في كل حاجة لما تيجو تكتبوا في القايمة اكتبوا اللي هي جايباه بس اكتبوا في القايمة إنه إن ده لا يُعد مهر وإن دي الحاجات اللي هي جيباها علشان لو حصل لا قدر الله حاجة المفروض إن هو كان يدفعلها مهر في الأساس فتقدر تاخده فيه مؤخر صداق كبير لو انتو مش عاوزين تكتبوا كل حاجةأو ان انتو تكتبوا كل احاجة ويبقى القايمة دي فيها مهرهاالمقدم لكن المؤخر بيتكتب في العقد".
