بكلمات مؤثرة .. وئام مجدي ترثي جدتها في ذكرى ميلادها الأول
رثت الفنانة وئام مجدي جدتها في ذكرى ميلادها الأول بعد وفاتها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام، مرفق بكلمات مؤثرة.
وئام مجدي تسترجع ذكرياتها مع جدتها نوال
حيث علقت وئام مجدي على المنشور قائلة: “بوست طويل أوى بس هى تستاهل فيها كل كلمة .. النهارده عيد ميلادك ال ٨٨ فى الدنيا و الأول فى الجنة إن شاء الله .. ناس كتير متعرفش أنى كنت بمثل من ٢٠١٤ من قبل ڤيدوهات تيته ب ٦ سنين بس هى حاجة تانية هى خدتنى من مكان ل مكان مش بس عند الناس أو التمثيل بس ده فى الحياة .. أنا كنت فى حالة نفسية وحشة لدرجة محدش كان هيصدقها ل وئام اللى تعرفوها دلوقتى .. كنت عارفه انك هتمشى قبل ما تمشى ب ٦ شهور كنت شايفاكى بتتعذبى بس مفيش أى حاجه تتعمل غير أنى اسكت الفترة دى .. أنا كنت لوحدى حرفيا لوحدى حتى أمى كانت لوحدها محدش فينا عارف يساعد التانى .. حتى الفترة دى أنا متغيرتش عادى أنا شوفت كل حاجة بشكل مختلف أنا للأسف شخص حساس لدرجة مؤذية فا لما حد بيمشى بتأذى .. لكن لما أنتى مشيتى أنا متأذتش أنا بس فضيت مبقتش قادرة ل أى حاجه غير اللى هيخلينى مرتاحة مش مهم أى حد”.
وئام مجدي تنفذ وصية جدتها الراحلة
واستكملت وئام مجدي حديثها قائلة: “كل لما حد يقولى وئام أنتى بتضحكى على نفسك أنتى مكتئبة بستغرب اوى ما اه .. ما مش ممكن يكون حد فى حياته حد زيك بيحب الحياة و الضحك و الحضن و الرقص تروحى قدامه واحدة واحدة و ميكتئبش يعنى .. بس أنا بعمل اللى دايما كنتى عايزاه .. اتبسطى يا وئام سافرى ارقصى اخرجى اشتغلى و انجحى دلعى نفسك .. اتجوزى بس استنى بالله عليكى دلوقتى الدنيا بايظه.. فا لو عندى فرصة أنى اعمل أى حاجة تبسطنى هاعملها علشانك قبل علشانى دايما وأنتى موجوده كنت بقولك شكرًا .. بس بقولك تانى قدام كل الناس .. شكرا يا نوله شكرا يا حلوة .. هديتك السنادىأنى عارفه كم الناس اللى هتدعيلك دلوقتى انتى نفسك مش هتصدقى .. أنتى سبب كل حاجة حلوة”.
