بعد إصابتها بورم في المخ ورفض الأطباء علاجها.. من هي الفنانة إنجي عبدالله؟
تصدر اسم ملكة جمال مصر والفنانة إنجي عبدالله، تريند مؤشر البحث "جوجل"، خلال الساعات الماضية، بعد إعلان معاناتها مع الإصابة بورم في جذع المخ ورفض الأطباء علاجها.
من هي الفنانة إنجي عبدالله؟
- ممثلة مصرية تزوجت عام 2015 من "ألبر بوسوتر" القائم بأعمال سفارة تركيا بالقاهرة.
- أعلنت عام 2016 عن إصابتها بورم في المخ والنخاع الشوكي وبدأت حياتها الفنية بفيلم "بدر" عام 2001.
- حصلت على لقب ملكة جمال مصر عام 1999 واعتزلت التمثيل فترة بحياتها.
- كان مسلسل "امرأة فوق العادة" عام 2007 أول عمل لها بعد عودتها للتمثيل مجددا وشاركت في 12 عملا فنيا وكانت آخر أعمالها الفنية فيلم"حسن دليفري" عام 2016.
- من أعمالها التليفزيونية، مسلسلات "ألوان الطيف، شطرنج ج1، شطرنج ج2، تماسيح النيل، مدرسة الاحلام، النار والطين، اختفاء سعيد مهران، امرأة فوق العادة، ساعة عصاري".
وكانت كشفت الفنانة وملكة جمال مصر السابقة إنجي عبدالله، عبر حسابها الرسمي بموقع التواصل الاجتماعي «فيسبوك» عن بعض الظروف الصحية بالغة الصعوبة التي تمر بها، ومواجهتها مجددًا لورم خطير في جذع المخ، لتبدأ بذلك في رحلة علاجية قاسية.
وقالت إنجي عبدالله في المنشور الذي قامت بنشره: «عدى 6 شهور وأنا بحاول أتعالج للمرة الثانية من ورم في جذع المخ، هو مش سرطان لكنه موجود في أخطر مكان في المخ، للأسف كل الدكاترة في مصر وبره مصر، أساتذة في مجال الأورام والمخ والأعصاب، رفضوا يعالجوني لأني أخدت كل جلسات الإشعاع والكيماوي المسموح ليا سنة 2019، وكنت فاكرة خلاص أنا تمام، لكن للأسف رجعت لي أعراض أسوأ بكتير من زمان».
وأضافت إنجي عبدالله: «أنا فقدت الإحساس بالجنب اليمين، وصعوبة في البلع، وكهربا في جسمي كله لما بعمل أي حركة بسيطة حتى لما بحرك عيني، وفي حاجات تانية كتير، حتى المستشفى اللي اتعالجت فيه قبل كده طلبت مني أمضي إقرار إني مسئولة عن كل اللي ممكن يحصل لي لو اتعالجت، فمشيت من الخوف» .
واستكملت: "دلوقت أنا مع الدكتور الوحيد اللي وافق انه يجرب علاجات خفيفة تلطيفية لمحاولة تحسين جودة الحياة مع انتظار معجزة، انا مش بحاول اتعالج علشان متمسكة بالحياة انا بس تعبانه جدا بقالي كتير، وبدعي ربنا بحاجه واحده بس.. اللهم لا نسألك رد القضاء ولكن نسألك اللطف فيه".
وأختتمت: "الشخص اللي واقف جنبي وبيساعدني ان اعمل ابسط الحاجات اليومية اللي خلاص بقت مستحيلة إني اعملها لوحدي هي اختي اللي عندها ورم في الرئة والمخ مرحلة رابعة، وكنت فاكرة إن أنا اللي هخلي بالي منها، أنا حالتي بتتأخر كل شوية، والمرة دي شفت حاجات صعب اني حتى أوصفها، أنا راضية بقضاء ربنا الصعب أوي أوي ليا ولأختي، لكن الحياة بجد صعبة جدا ومفاجئتها أصعب، أدعولي".
