تامر حسني : محمد عبدالوهاب أول من طور الموسيقى العربية وهو أسطورة لا تتكرر
نشر نجم الجيل تامر حسني مقطع فيديو عبر حسابه الرسمي على موقع التواصل الإجتماعي إنستجرام، ظهر فيه وهو يغني لأول مرة بإحدى أغنيات موسيقار الأجيال محمد عبد الوهاب.
وكتب تامر حسني : في الطريق طلبت معايا لأول مرة أغني لموسيقار الأجيال محمد عبد الوهاب، وللأجيال الحالية أحب أعرفكم إن الراجل ده أسطورة مبتتكررش كتير، وإنه أول من طور في الموسيقى العربية.
تفاصيل أزمة تامر حسني الصحية
يُذكر أن، الشاعر الغنائي رمضان محمد كان قد كشف منذ أيام قليلة، عن تعرض النجم تامر حسني لإصابة في قدمه ودخوله المستشفى، وذلك من خلال منشورًا نشره رمضان محمد عبر حسابه على فيسبوك.
وكتب رمضان محمد : "تامر حسني ده حوار كبير بجد .. بقالنا فترة كبيرة بنتكلم وبنشتغل وعادي جدًا نفس حماس وطاقة تيمو .. اللي بتخلي كل اللي حواليه يجتهدوا ويشتغلوا أكتر .. وفجأة النهارده بكلمه يقولي أنا في المستشفى علشان في كسر في رجلي وبعالجه من فترة .. ولا حد يعرف ولا قال ولا اشتكى ولا حب يدي طاقة سلبية للناس اللي بيكلموه .. بجد إنسان جميل وفنان جميل وصعب جدًا يتكرر .. وألف سلامة عليك يا تيمو”.
تامر حسني يدعم فتاة مريضة سرطان
وفي سياق آخر، كان قد حرص الفنان تامر حسني مؤخرًا على دعم فتاة مريضة سرطان تدعى دنيا فؤاد، ظهرت في فيديو مؤثرة تبكي على أغنيته طول عمري أقوى من الأيام.
وأعرب تامر عن تأثره بالفيديو وبكائه، حيث كتب: “الڤيديو ده أثر فيا أوي وبكاني زيها بالظبط وعرفت إن اسمها دنيا فؤاد، وعشان إنسانة قوية وإيمانها كبير بربنا هي دلوقتي بدأت تخف ادعموها لحد ما تخف خالص بعون الله وادعموا كل بنت وولد وكل إنسان زيها محتاج كلامكم الجميل الإيجابي”.
وأضاف في رسالة مؤثرة للفتاة: "ربنا يفرح قلبك يا حبيبتي إنتي وكل أسرتك وكل أصحابك ويفرح كل الناس أنا عارف إن دي دموع فرحة عشان كده حبيت أكون جمبك يا بطلة أنا وكل الطيبين اللي هنا".
آخر أفلام تامر حسني
ومن ناحية أخرى، يُعرض حاليًا لـ تامر حسني في السينمات، فيلم ريستارت، والذي يشاركه في بطولته عدد من النجوم، منهم هنا الزاهد، عصام السقا، باسم سمرة، محمد ثروت، ميمي جمال، رانيا منصور، وسيد أسامة. كما يشارك في الفيلم عدد من ضيوف الشرف البارزين، منهم إلهام شاهين، محمد رجب، شيماء سيف، وأحمد حسام ميدو، والفيلم تأليف أيمن بهجت قمر وإخراج سارة وفيق.
