حبيت أكون جنبك يا بطلة.. تامر حسني يبكي بسبب فتاة مريضة سرطان |فيديو
حرص الفنان تامر حسني على دعم فتاة مريضة سرطان تدعى دنيا فؤاد، ظهرت في فيديو مؤثرة تبكي على أغنيته طول عمري أقوى من الأيام.
وأعرب تامر حسني عن تأثره بالفيديو وبكائه، حيث كتب: “الڤيديو ده أثر فيا أوي وبكاني زيها بالظبط وعرفت إن اسمها دنيا فؤاد، وعشان إنسانة قوية وإيمانها كبير بربنا هي دلوقتي بدأت تخف ادعموها لحد ما تخف خالص بعون الله وادعموا كل بنت وولد وكل إنسان زيها محتاج كلامكم الجميل الإيجابي”.
وأضاف في رسالة مؤثرة للفتاة: "ربنا يفرح قلبك يا حبيبتي إنتي وكل أسرتك وكل أصحابك ويفرح كل الناس أنا عارف إن دي دموع فرحة عشان كده حبيت أكون جمبك يا بطلة أنا وكل الطيبين اللي هنا".
دنيا فؤاد مريضة السرطان ترد على تامر حسني
ومن ناحيتها، علقت الفتاة على الفيديو معربة عن امتنانها، حيث كتبت: “بجد شكرًا لحضرتك من كل قلبي كلامك أكبر داعم ليا والله شكراً بجد على كل كلمة حلوة وشكرًا على كل دعوة”.
متابعي تامر حسني يتفاعلون مع منشور دعمه للفتاة مريضة السرطان
نال المنشور إعجاب مئات من متابعي تامر حسني، وجاءت بعض التعليقات كالآتي: “اللهم اشفيها و عافيها شفاء لا يغادر سقما و يسعد قلبك زي ما دايماً بتسعد قلوب كل اللي حواليك امين آمين آمين”، “وربنا يشفيها ويعافيها ويبارك في قلبك الجميل يا تامر يابختنا بيك والله”، “وهتخف وهتبقي أحسن من الأول البنت دي بجد قوية أوي ربنا يتم شفاها على خير يا رب”.
