عمرو أديب لمرتضى منصور: "فلست ومبقتش تخوف حد.. استعد للفضائح والكلبشات"

هاجم الإعلامي عمرو أديب رئيس نادي الزمالك السابق المستشار مرتضى منصور، متوعدًا بفضح أسراره وكشف ما وصفه بـ"المصايب" إذا استمر في الهجوم والتلفيق.

وقال أديب في تغريد له عبر حسابه الرسمي على "إكس": "قمت بدري قلت أشوف الإثباتات والسي دي هات، لقيت نفس الكلام الخايب.. شتيمة وفبركة وقلة أدب.. خلاص فلست يا مورتا، وعجزت ومبقتش تخوف حد. دلوقتي إحنا اللي هنطلع سي دي هاتك ومصايبك إنت وعيالك. الزمالك خلاص طالع وإنت نازل، ومن هنا ورايح لو مفيش إثباتات فيه نيابات فيه كلبشات، فاكرها طبعًا. أنا قاعد مستني العقد بتاع نيو جيزة، كان نفسي يبقى عندي حاجة هناك".

وأضاف أديب أن المرحلة المقبلة لن يكون فيها تسامح مع "ادعاءات بلا دليل"، مؤكدًا أن النيابة هي الفيصل، ومشدّدًا: "من هنا ورايح الكلام بالورق أو الكلبشات".

كان قد رد المستشار مرتضى منصور على هجوم الإعلامي عمرو أديب، قائلاً: "يا جوز لميس وغلاوتك لأحبسك، واقفلك قناتك، وليك هدية أوفر مني علقة زي اللي أكلتها في مطعم جزيرة العرب، ملك كابتن مصر والنادي الأهلي الكرة الطائرة، فاكر لما طلعت تعيط في برنامجك في أوربت زي النسوان وتصرخ: مرتضى منصور ضربني".

وقال مرتضى منصورعبر صفحته الرسمية على “فيسبوك”: "مش عارف إيه حكاية التواليت معايا الليلة، بعد ما مسحتها ببيان لبيب ورميتها في التواليت فوجئت بزوج المرة وأنا لسه في التواليت بسماع صوت مزعج له رائحة كريهة، اعتقدت أنه صادر منها، لكن اكتشفت أن العيل المتجنس هو اللي طالع".

مرتضى منصور يرد على هجوم عمرو أديب

أضاف منصور: "طيب ماتقول إن القصة إنك واخد فيلا هدية عند محمود الجمال في نيو جيزة اللي ضاع عليه 800 مليون جنيه، نصبت عليه لجنة العار وباعوا له أرض مملوكة للجمعية العمومية لنادي الزمالك".

وأوضح: "أنا اللي حاميني ربنا، بس أنت مش محمي، لا مؤاخذة، قفاك مكشوف لأي حد معاه دولار، يا رخيص، انتظرني أخلص من عصابة الدلاديل وأربيك، لأن كل شعب مصر اللي سبيته وسبتله الدين محتاجين تاخد على قفاك من مصري".

عمرو أديب ينتقد قوة مرتضى منصور

من جهته، كان الإعلامي عمرو أديب قد طرح تساؤلاً مباشراً على الهواء قائلاً: "مين بيسند مرتضى منصور في البلد؟"، موضحًا أن السؤال لا يحمل أي اتهام، بل هو مجرد استفسار يعكس لسان حال ملايين من جمهور الزمالك والرأي العام المصري، مضيفًا أن هناك علامات استفهام كثيرة حول عودة اسم مرتضى منصور إلى المشهد رغم القرارات القضائية والإدارية السابقة.

وأكد عمرو أديب عبر برنامجه “الحكاية” على قناة “MBC MASR”، أن شخصية مرتضى منصور مثيرة للجدل بطبيعتها، فهو محامٍ بارع ورئيس سابق لنادٍ جماهيري كبير مثل الزمالك، مما يجعله دائمًا في قلب الأحداث الرياضية والسياسية، مشيرًا إلى أن منصور يمتلك قطاعاً كبيراً من المؤيدين، لكنه أيضًا له خصومات وعداءات مع إعلاميين ومسؤولين، ما يثير تساؤلات عن الكيان أو الجهة التي تمنحه القدرة على العودة بعد كل أزمة.

وأشار أديب إلى أن السؤال عن داعمي منصور ليس هجومًا شخصيًا، بل محاولة لفهم المشهد، مضيفًا: "أنا بتكلم بصوت الناس اللي بتسأل في الشارع.. إزاي الراجل ده كل شوية يرجع على الساحة رغم القرارات اللي اتخذت ضده؟".

وتساءل: “هل هناك أطراف سياسية؟ شخصيات اقتصادية كبرى؟ أم قوة جماهير الزمالك؟ اللي بيسند مرتضى منصور لازم يطلع في النور”، مشيرًأ إلى أن مرتضى واجه قرارات متكررة بالإيقاف والعزل، ومع ذلك يعود اسمه للواجهة كل فترة، وهو ما يعزز فكرة وجود داعمين يمنحونه قوة غير عادية.