زوجة في دعوى خلع: جوزي مش متحمل المسؤلية 9 سنوات من المعاناة

شهدت محكمة الأسرة بحلوان،  واقعة انسانية مؤثرة، بطلتها سيدة عانت لسنوات داخل بيت الزوجية، قبل ان تقرر انهاء زواجها واللجوء للمحكمة طلبا للخلع، بعد ما فقدت الشعور بالامان وتحولت حياتها الى سلسلة من الالم والمعاناة النفسية.

قررت السيدة "ن"، في منتصف الثلاثينيات من عمرها،التقدم بدعوى خلع امام محكمة الاسرة ، بعد مرور تسع سنوات على زواجها، انجبت خلالهم طفلين، لكنها لم تجد فيهم السعادة التي كانت تحلم بها.

قالت السيدة في دعواها ان زوجها تغير تماما بعد فترة قصيرة من الزواج، واصبح شخصًا عصبيًا، دائم الاهانة، لا يتقبل الحوار، ولا يراها الا بنظرة دونية، وانه كان يتعمد التقليل منها امام اولادها.

واضافت: كنت بصحى كل يوم من غير نفس، بشتغل في البيت زي الالة، من غير تقدير ولا كلمة طيبة. كنت بحاول احافظ على البيت علشان ولادي، لكن في الاخر حسيت اني بتهان، وان كرامتي مش موجودة".

اكدت الزوجة انها حاولت اكتر من مرة تحل المشاكل بشكل ودي، لكن الزوج رفض الاستماع، وكل محاولة كانت بتنتهي بخناقة او ضرب، ومع الوقت بدأت تفقد احساسها بذاتها.

وتابعت: انا مش طالبة منه حاجة، ولا عايزة نفقة، ولا شقة، انا بس عايزة حريتي، واطمن ان ولادي هيكبروا بعيد عن جو الاهانة والمشاكل اللي كنت عايشة فيه.

الزوجة اختتمت اقوالها بطلب بسيط: كل اللي عايزاه اني اعيش في هدوء.. اعيش من غير خوف ومن غير دموع.

ومن المقرر ان تنظر المحكمة اولى جلسات الدعوى خلال الاسابيع القادمة.