للمرة الثانية .. رامي جمال يعلن إصابة والده بمرض السرطان

كشف الفنان رامي جمال عن إصابة والده بمرض السرطان بعد 21 عامًا من استئصاله، مطالبًا جمهوره ومتابعيه بالدعاء له بالشفاء العاجل بعد اكتشافهم للورم أمس .

وكتب رامي جمال عبر حسابه الرسمي على موقع التواصل الاجتماعي إنستجرام : اللي في الصورة ده بابا حبيبي ربنا يديله الصحة والعافية، راجل سيرته جميلة وتعب علينا كتير وتعب في حياته أكتر، بابا البطل من 21 سنة جاله ورم، ومن فضل ربنا علينا استأصلناه وقتها، وامبارح اكتشفنا أنه رجعله تاني في مكان تاني.

وأضاف: أولا عاوز أقولك يا بابا أنا بحبك جدا وفخور بيك جدا وفخور أني ابنك وعارف أنك راجل مؤمن وقوي وهتبقي قدها تاني وهنعمل اللي علينا تاني، وربنا هيلطف بيك وبينا تاني إن شاء الله، راضيين بقضاء الله ونسأله اللطف.

واختتم رامي جمال منشوره بطلب الدعاء لوالده بالشفاء العاجل ، قائلًا: أطلب منكم الدعاء لبابا بالشفاء، دعوة حلوة من قلوب حلوة لعل أحدكم أقرب إلى الله منا.