راجعة بتفجع.. حمو بيكا يعلن عن موعد أغنيته الجديدة "قاضي وسجان"
أعلن مطرب المهرجانات حمو بيكا عن تعاونه من جديد مع المطرب نور التوت والموزع فيجو الدخلاوي من خلال أغنية قاضي وسجان، وذلك من خلال منشور عبر حسابه الرسمي على موقع التواصل الإجتماعي فيسبوك.
أغنية حمو بيكا الجديدة
وعلق حمو بيكا قائلًا: "الشارع طول عمره بتاعنا واحنا اساسه من سنين ! وعمرنا ما بعدنا عنه … احنا اصحاب اكبر عدد اغاني بعدد ١٩٦٧ اغنية وطفرة المهرجانات اللي وصلت للعالم خارجة من الدخيلة واستوديو VIP من اول عنبر جنايات لحد اخر اغنية " الطيب والجاحد " معروف من زمان الـVIP اساسها والنجاح بيطلع من عندها .. ومفيش اي ظروف او غلطات تمنعنا عن الناس او نبض الشارع اللي احنا طالعين منه .. بنقولكم
انتظرو راجعة انتو بتحبوها اوي رجعة تقيلة من اخواتكم، راجعين ليكم بأغنيه جديده .. يوم الخميس مش بعد ايام لا انتظرو اغنيه قاضي وسجان “حمو بيكا - نور التوت | توزيع فيجو الدخلاوي، اغنية هترجعكم للبرايم بتاع ٢٠٢٠ من تاني، راجعة الVIP راجعه بتفجع، لما تيجو تتكلمو لازم تذكرو اصحاب الفكرة”.
انخفاض وزن حمو بيكا
وكان في وقت سابق كشف مطرب المهرجانات حمو بيكا عن انخفاض وزنه بشكل كبير وملحوظ، بالرغم من إحباط الناس له وتأكيدهم أنه لن يستطيع القيام بهذا، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق حمو بيكا قائلًا: “اللي كان بيتريق على شكلي، واللي كان فاكر إن الموضوع هزار وهيفضل زي ما هو، شوف بقى بيكا بقي فلات خلاص، النهارده بيكا خَسّ، واتغير، وكسر كلام ناس كتير، مش عشان أثبتلك حاجة عشان أثبت لنفسي إني أقدر، والأجمد؟، إن اللي كان بيتريق امبارح هو نفسه اللي هيقول النهارده ما شاء الله، خلي كلامك ليك وأنا هخلي النتيجة ترد عليك”.
