نيللي كريم تدعم أشرف زكي: "ضهر وسند لفنانين كتير على مدار سنين طويلة"
حرصت الفنانة نيللي كريم على أن تدافع عن الدكتور أشرف زكي، رئيس نقابة المهن التمثيلية، بالتزامن مع خلافه مع الفنانة لقاء سويدان، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
نيللي كريم تدافع عن أشرف زكي
وعلقت نيللي كريم قائلة: “الراجل المحترم الخلوق، اللي كان ولا يزال ضهر وسند لفنانين كتير على مدار سنين طويلة، في مواقف كتير بتثبت إن النقابة مش مجرد منصب، وإن النقيب الحقيقي هو اللي بيكون موجود وقت الشدة قبل الفرح، وبيسند زملاءه بكل حب وإنسانية وجدعنة، شكرًا على كل موقف محترم، وعلى كل مجهود بتبذله من قلبك علشان زمايلك، أنت نقيبي وأفتخر بيك، وبكل تقدير واحترام أقولك إن وجودك في مكانك قيمة كبيرة لينا كلنا”.
كواليس تحضير نيللي كريم للموسم الثالث من فيلم الفيل الأزرق
وفي سياق آخر، قد كشفت الفنانة نيللي كريم عن كواليس تحضيرها للموسم الثالث من فيلم الفيل الأزرق، التي بدأت تصويره منذ أيام، وذلك خلال لقاءها مع برنامج et بالعربي.
حيث قالت نيللي كريم في لقاءها: "صورنا جزء كبير من الفيلم بس لسه في سفر علشان كده الموضوع محتاج وقت، خاصة أن الفيل الأزرق مش سهل وأكيد في صعوبات خاصة بعد نجاح الأجزاء السابقة أكيد في تحدي بص أنا واثقة في مروان حامد وأحمد مراد وكريم".
وعن مشاركة دينا الشربيني قالت نيللي كريم: "مصورناش مع بعض بس عمالنا بروفة وإحنا كلنا صحاب وعارفين بعض وكلنا اشتغلنا مع بعض".
