بالشال الفلسطيني.. أشما شريف منير تذكر الجمهور بالقضية من خلال مهرجان الجونة
أطلت الإعلامية أسما شريف منير في اليوم الرابع من فعاليات مهرجان الجونة السينمائي بدورته التاسعة، من خلال فستان أحمر وعليه الشال الفلسطيني، حتى تذكر الجمهور بالقضية، أثناء عرض فيلم بومة، وقد نشرت مجموعة من الصور عبر حسابها الرسمي على موقع تبادل الصور والفيديوهات إنستجرام.
أسما شريف منير تذكر الجمهور بالقضية الفلسطينية
وعلقت أسما شريف منير قائلة: “ من عرض فيلم بومة امبارح، راكين سعد من أهم نجمات جيلها. الفيلم ده أكيد أخد منها كتير نفسياً وجسدياً وصحياً، من كتر ما هو صعب وثقيل. ألف مبروك على كل نجاحاتك يا راكين، إنتِ تستاهلي كل التقدير، وحسّيت من خلال حضوري إني محتاجة أوصل رسالة تانية.. لو صوت الواحد بيتسمع، يبقى يستخدمه صح. القضية لسه مستمرة، وأنا كل اللي في مقدرتي أعمله إني أتكلم وأقاطع. وده اللي كل ما الاقي فرصة هعمله، اللهم أرنا الحق حقاً وارزقنا اتباعه”.
أسما شريف منير لم تدعم نفسها
في سياق آخر، قد أثارت الإعلامية أسما شريف منير الجدل، خاصة بعد أن أوضحت أنها تدعم كل من حولها ولكن قصرت في حق نفسها ولم تدعمها بالشكل الذي يليق، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وقالت أسما شريف منير موضحة: “ اكتشفت حاجة في نفسي من قريب أوي، إني طول الوقت بدعم كل الناس، بس عمري تقريباً ما دعمت نفسي بنفس الطريقة، بتكسف أوي أسوّق لحاجاتي، أو أتكلم عن شغلي، أو أقول أنا عملت إيه وبعمل إيه. بحس كأني بطلب حاجة من الناس، وأنا أصلاً من أكتر الناس اللي مش بتحب تطلب من حد حاجة، بس لما مسكت الماركتنج في عالم تاني، اكتشفت حاجة غريبة، عشان أنا مش في الصورة خالص، حسيت بحرية رهيبة، بصوّر، وبمنتج، وبفكر، وبجرّب، وبشتغل على طرق مختلفة أعرف بيها الناس بالمكان من غير ما أنا أبان، دايماً ورا الكواليس. والنتيجة بعد ٣ سنين من تعب و جهد و شغل، النهارده تقريباً كل الوسط الفني عارفه كويس جداً، من أهم وأكبر الناس في المجال للشباب اللي لسه بيبدأوا، حتى اللي بيعمل مش عارف… هو عارف، بس إيجو الفنان ساعات بيخليه يعمل مش عارف، ومش بس في مصر، إحنا معروفين في السعودية ودبي وبلاد كتير في الوطن العربي، وكمان في أمريكا، وده خلاني أكتشف حاجة كنت محتاجة أعترف بيها لنفسي، أنا بصراحة جامدة في شغلي. وقلت ما بدهاش بقى، أنا هتكلم".
