نسمة محجوب ترد على الجدل المثار حول أغنيتها الجديدة "رايحاله"
ردت الفنانة نسمة محجوب على الانتقادات التي طالت أغنيتها الجديدة "رايحاله"، وذلك خلال لقائها مع برنامج "عرب وود"، موضحة أن الأغنية لا تدعو الفتيات بالضرورة إلى الاعتراف بمشاعرهن، وأنها تركت معناها مفتوح أمام الجمهور.
وقالت نسمة محجوب: "الأغنية خطتها ما بدأتش إن البنات تروح تعترف، أنا قلت أنا في الطريق أنا رايحاله، ورايحاله دي أنا ممكن أكون رايحة لبابا أو لجوزي مثلًا، أنا سيبتها مفتوحة للتخيل العام".
وأضافت: "ولكن حتى لو كان المعنى كده، فده عمره ما هيعيب البنت إنها تبقى صادقة مع نفسها وتعترف عادي، أنا عملتها وأنا صغيرة واترفضت، بس عادي كملت حياتي".
تعاون نسمة محجوب مع فرح الديباني
في سياق آخر، قالت الفنانة نسمة محجوب إن تعاونها مع الميزو سوبرانو العالمية فرح الديباني ضمن فعاليات «شي آرت» يمثل تجربة فنية جديدة ومختلفة، مؤكدة أنها متحمسة للقاء فرح وبدء البروفات خلال الفترة المقبلة.
الله نبدأ البروفات كمان، ومبسوطين جدًا ومتحمسين إن إحنا موجودين في «شي آرت»، ودايمًا حابين إن إحنا ندعم فكرة «شي آرت» ونبقى موجودين».
وأشارت نسمة إلى أهمية دعم النساء لبعضهن، قائلة: «أتمنى إن دايمًا يبقى في سيدات طول الوقت بتدعم سيدات زيها، فدي في حد ذاتها حاجة جميلة جدًا، وأتشرف إني أبقى موجودة فيها».
وعن التعاون الفني مع فرح الديباني، قالت: «مبسوطة إن أخيرًا أنا وفرح هنقدر نعمل حاجة مع بعض فعلًا على المسرح، وصوتنا يندمج سوا ونشوف هيطلع منه إيه، يعني دي أول تجربة لينا».
وحول الاختلاف بين طبيعة صوتها وصوت فرح، أوضحت نسمة: «الفرق ما بينا هي نوعية الغنى، هي بتغني أوبرا، وأنا بغني أكتر شرقي، وبغني كوب، يعني السكة الغربية، ولكن مش نوعية غنى الأوبرا».
وتابعت: «أتوقع إن كل حد فينا لما يجرب الجانب الآخر بتاعه، أكيد هيلاقي حاجة إنترست، وأكيد هنقدر إن إحنا نعمل حاجة، بما إن إحنا الاتنين موسيقيين وفاهمين المزيكا، وبنقرأ مزيكا ودارسينها، فأكيد هنعرف نوصل لحاجة تخلينا إحنا الاتنين نظهر، وإحنا الاتنين نشاين، يعني ناخد أحلى حاجة من عندي على أحلى حاجة من عندها».
