«عايزين يقابلوك في السفارة».. تسجيلات صوتيه للإرهابي عبدالرحمن منصور
استعرض برنامج «الحكاية» للإعلامي عمرو أديب تسجيلات صوتية يتم إذاعتها لأول مرة تكشف علاقة عبد الرحمن منصور مؤسس و ممول «متصدقش» بـ خيرت الشاطر و نفوذه داخل الجماعة
وخلال التسجيل حوار بين أحد شباب جماعة الإخوان المسلمين الإرهابية مع عبدالرحمن منصور، وقال الشاب: «إحنا كله تمام وخلصنا المعاد وأول ما تخرج كلمهم ورتب معاد ليك لأنهم عايزين يقابلوك ومعرفش المعاد هيكون مع السفير الفرنسي أو الملحق.. وإحنا اتكلمنا عن حاجات كويسة منها اللي فرنسا ممكن تقدمه لينا والدعم الفني.. ومتفتحش موضوع إسرائيل خالص أو أي قضايا خلافية».
وواصل الشاب حديثه قائلا: «بعد ما خلصنا الكلام الصحافة دخلت وهو قال كلام كويس جدا مع الصحافة».
وفي سياق متصل، تدوال رواد مواقع التواصل الاجتماعي، فيديو قديم لتسجيل صوتي عرضه برنامج «على مسؤوليتي» للإعلامي أحمد موسى، المذاع عبر شاشة صدى البلد، للإرهابي عبدالرحمن منصور، ويؤكد فيه انتماءه لجماعة الإخوان المسلمين الإرهابية.
عيد الشرطة
وخلال التسجيل يقول عبدالرحمن منصور: «أنا اقترحت إننا ننزل ونعمل مطالب ونتظاهر في يوليو 2011 يوم عيد الشرطة بالتحديد.. إحنا مش بنحب نقول مين صاحب الفكرة لأن فيها تداخلات لكن أنا اقترحت المعاد».
وتابع منصور: «لكن أنا دخلت الجيش يوم 17/1 /2011 ومكانش ليا علاقة باللي حصل وقتها ولا يوم الجمعة اللي بعده لأني مكنتش موجود لكن أهلى حكولي كل اللي حصل في زيارة وأنا في الجيش».
كما كشف عن سبب تعرفه على وائل غنيم، قائلا: «أنا كنت في قناة الجزيرة وكان في تعارف بين ناس شغالين في التسويق والأنترنت وأنا وقتها كنت في السعودية كنت بزور والدي واتعرفت عليهم من على الإنترنت وبعدها اتعرفت على البرادعي وعرفته على مصطفى النجار لأنه مكانش يعرفه وعمرو غربية اشتغلنا معاهم وهو مكانش ليه علاقه بالسياسة لحد ما اتعرف عى البرادعي».
