ناهد السباعي: بخاف من مرتضى منصور جدا.. ومش بعرف أعمل حاجة منغير أمي

حلت الفنانة ناهد السباعي ضيفة، في برنامج «المحتوى رقم 7» مع محمد طاهر، وخلال الحلقة، تحدثت عن والدتها الراحلة، وقالت: «أنا كنت بقول على أمي إنها زي بنتي وبعملها كل حاجة.. ده مش حقيقي خالص وبعد ما توفت اكتشفت إني مكنتش بعرف أعمل أي حاجة منغيرها».

كما تطرقت للحديث عن المستشار مرتضى منصور، وقالت: «بخاف من مرتضى منصور جدا علشان ممكن يطلع يشتمنى وأنا بنت ناس جدا على إني اتشتم».

وفي سياق متصل، أكدت الفنانة ناهد السباعي أن استمرارها في العمل الفني يرتبط بنجاحها وحب الجمهور لها، وليس بانتمائها إلى عائلة فنية، مشيرة إلى أنها لا تنشغل بمحاولات تغيير صورتها أمام الجمهور أو التفكير في الطريقة التي ينظر بها إليها البعض.

إحنا مبنشتغل شغلانة المعيار الأساسي فيها حب الناس

وقالت خلال مداخلة هاتفية مع الإعلامية نهال طايل في برنامج «تفاصيل» المذاع على قناة «صدى البلد2»: «حاجة متوقعة، وأنا مبفكرش بالطريقة دي، إحنا مبنشتغل شغلانة المعيار الأساسي فيها حب الناس، والاستمرار فيها مش علشان الناس كانت بتحب أهلي، هما توفوا، وفي الأول والآخر هو اللي بيخليكي تشتغلي تاني أو تستمري تاني إنك نجحتي وإن جمهورك بيحبك».

شاركت في فيلم «ريد فلاج» كضيفة شرف رغم صغر مساحة دورها

وحول أعمالها الفنية، أوضحت الفنانة ناهد السباعي أنها شاركت في فيلم «ريد فلاج» كضيفة شرف رغم صغر مساحة دورها، قائلة: «ريد فلاج مش آخر أعمالي، أنا يعني شاركت فيه بجزء بسيط جدًا، أنا كنت ضيفة شرف، وطالما حاجة ناجحة إيه المشكلة أني اشتغل فيها».

وكشفت عن استعدادها لعرض مسلسل «بنات الباشا» في شهر نوفمبر، مضيفة: «ولغاية دلوقتي بقرأ حاجات وبنشوف، لسه ما استقرتش على حاجة».