عبلة سلامة: "الواحد مع الوقت بيتعلم يحافظ على نفسه"
كشفت الإعلامية عبلة سلامة عن تغيير طباع في حياتها، خاصة أنها أصبحت أقل اندفاعًا وأهدى، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
تغيير طباع في حياة عبلة سلامة
حيث قالت عبلة سلامة معلقة: "بقيت أفهم إن مش كل حد نحبه لازم يفضل قريب، ومش كل حد نقف جنبه هيقف جنبنا بنفس الطريقة، يمكن زمان كنت بدي فرص كتير، وأعدّي حاجات كتير، وأصدق الكلام بسهولة... واسامح .. دلوقتي بقيت أبص للأفعال أكتر، وأحط حدود، وأعرف إمتى أقرب وإمتى أبعد، مش معنى كده إني بقيت قاسية، ولا إن إحساسي قل... بالعكس، بس الواحد مع الوقت بيتعلم يحافظ على نفسه، وعلى راحته، وعلى الناس اللي فعلا تستاهل مكانها في حياته، فلو حسيت إني اتغيرت... آه، اتغيرت. يمكن لأني فهمت حاجات ما كنتش فاهمها زمان."
عبلة سلامة ترد على منتقديها بطريقة فكاهية
في سياق آخر، قد خرجت الإعلامية عبلة سلامة عن صمتها لترد على منتقديها الذين يعلقوا على حسابها بالسب والشتيمة، وذلك من خلال منشور عبر حسابها الرسمي على موقع التواصل الإجتماعي فيسبوك.
وقالت عبلة سلامة معلقة: “لا بجد بقى الموضوع بقي غريب جدًا، أنا ست بحب الكلاب. حضرتك ما بتحبش الكلاب أو بتخاف منها، تمام جدًا. بس بتدخل تشتمني أنا والناس اللي عندي ليه؟، أنا بحب عمرو دياب. حضرتك ما بتحبوش، حقك طبعًا. بس برضه بتدخل تشتمني وتشتم اللي بيعلقوا عندي ليه؟، أنا بربي ابني بالطريقة اللي أنا شايفاها. حضرتك ليه أصلًا عايز تدخل بيني وبين ابني وتقول لي أربيه إزاي؟، يا جماعة هو في إيه؟، ما كل واحد يخليه في حاله، ويمسك ريموت حياته وبس !!، أنا والله بقيت محتارة أتكلم في إيه من غير ما حد يزعل أو يشتم أو ينظّر!، من شهرين قلت أتكلم في طريقة عمل الكيكة الإسفنجية برضه ما عجبتش ناس، طب أتكلم في إيه؟ طريقة عمل طشة الملوخية؟ ولا دي كمان فيها خلاف فقهي؟”.
