عبلة سلامة: "كل واحد يخليه في حاله، ويمسك ريموت حياته وبس"
خرجت الإعلامية عبلة سلامة عن صمتها لترد على منتقديها الذين يعلقوا على حسابها بالسب والشتيمة، وذلك من خلال منشور عبر حسابها الرسمي على موقع التواصل الإجتماعي فيسبوك.
عبلة سلامة ترد على منتقديها بطريقة فكاهية
وقالت عبلة سلامة معلقة: “لا بجد بقى الموضوع بقي غريب جدًا، أنا ست بحب الكلاب. حضرتك ما بتحبش الكلاب أو بتخاف منها، تمام جدًا. بس بتدخل تشتمني أنا والناس اللي عندي ليه؟، أنا بحب عمرو دياب. حضرتك ما بتحبوش، حقك طبعًا. بس برضه بتدخل تشتمني وتشتم اللي بيعلقوا عندي ليه؟، أنا بربي ابني بالطريقة اللي أنا شايفاها. حضرتك ليه أصلًا عايز تدخل بيني وبين ابني وتقول لي أربيه إزاي؟، يا جماعة هو في إيه؟، ما كل واحد يخليه في حاله، ويمسك ريموت حياته وبس !!، أنا والله بقيت محتارة أتكلم في إيه من غير ما حد يزعل أو يشتم أو ينظّر!، من شهرين قلت أتكلم في طريقة عمل الكيكة الإسفنجية برضه ما عجبتش ناس، طب أتكلم في إيه؟ طريقة عمل طشة الملوخية؟ ولا دي كمان فيها خلاف فقهي؟”.
عبلة سلامة توجه رسالة للفنانين
في سياق آخر، قد علقت الإعلامية عبلة سلامة عن ظاهرة المنافسة وتراشق المنشورات حول نجاح الأعمال الفنية ونجاح أبطالها الفنانين، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث أوضحت عبلة سلامة قائلة: “بستغرب جدًا لما أشوف فنان/فنانة أو شخصية مشهورة كل شوية يكتب: “موتوا بغيظكم”، “أنا نمرة واحد”، “نجاحي حارقكم”، طيب… هو إنت بتكلم مين؟، أكيد الرسالة مش للجمهور. واضح إنها موجهة لناس معينة . لكن ليه الجمهور يبقى متفرج على رسائل مبطنة لا داعي لها ؟!، بصراحة، في رايي الشخصي المنظر ده بيقلل من صاحبه، الفنان الحقيقي مش محتاج كل شوية يقول للناس إنه ناجح، ولا نمرة ١ ولا يقنعهم إنه سبق غيره… ليه ؟! ليه الغرور؟ وفي نفس الوقت تلاقي فنانين في منتهي الرقي والتواضع وحتي لما اتهاجموا التزموا الصمت احتراما لنفسهم وللجمهور !، سيبوا نجاحكم هو اللي يتكلم… وسيبوا حب الناس هو اللي يرد .. لأن الفنان الحقيقي، جمهوره هو اللي يشهد له، مش هو اللي يقعد يشهد لنفسه!".
