هيدي كرم تثير الجدل: "اللي اخترع الصمت العقابي ده لازم يتحاكم محاكمة عادلة"
أثارت الفنانة هيدي كرم الجدل بعد حديثها عن الصمت العقابي، وكم من نتائج سيئة تنتج عنه، داعية جمهورها لإيقاف تلك المشاعر السلبية، وذلك من خلال حسابها الرسمي على موقع تبادل الصور والفيديوهات إنستجرام.
إيقاف الصمت العقابي
حيث نشرت هيدي كرم مقطع فيديو قائلة: “عايزين نتفق أننا نلغي من حياتنا مبدأ الصمت العقابي من علاقاتنا الإجتماعية والعاطفية، ده شي مستفز جدًا بيتمارس علينا من أهالينا ماما بتخاصمني 3 4 أيام عشان غلطة تافهة قد كده، وأحنا لما نكبر نمارسه على ولادنا مع أننا اتوجعنا منه، أنتوا فاهمين انكم صخرة الامن لابنكم أو بنتكم فتخيلوا لما يغلطوا غلطة صغيرة على قد سنهم ما تفهميه هو عمل أيه وتعرفيه غلطه واديله عقاب صغير ولما نتجوز نمارس على بعض الصمت العقابي عايزة اقولكم ان العمر هيعدي هوا ومش هنحس بيه وفجأة هنلاقي نفسنا كركبنا وكبرنا ونبقى ضيعنا نص عمرنا في الصمت العقابي والنكد العقابي في حين أني لو قولت للي قدامي أيه هو اللي مضايقني منه القصة هتخلص، بس لا أحنا هننكد على بعض بقى، خلينا نبقى مع بعض سراع ولذاذ ونخلص القصة بسرعة، الصمت العقابي شئ مؤذي جدًا وفيه كم ابتزاز عاطفي للصغيرين، حقيقي اللي عمل الصمت العقابي ده لازم يتحاكم، محاكمة عادلة، كفاية قرف الحياة برا مش هيبقى برا وجوا، اللهم بلغت اللهم فاشهد”.
هيدي كرم تقدم نصائح لاختيار شريك الحياة
في سياق منفصل، قد كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.
وقالت هيدي كرم خلال فيديو عبر حسابها الرسمي على موقع تبادل الصور والفيديوهات إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".
