سر السعادة الزوجية.. الفنانة ميمي جمال: خلي البيت هو المكان اللي بيحب يروحه

قدمت الفنانة ميمي جمال خلاصة خبرتها في الزواج التي استمرت أكثر من 50 عاما مع الفنان الراحل حسن مصطفى، كاشفة عن سر استمرار العلاقة رغم المشاكل والتحديات التي واجهتها.

وقالت ميمي خلال لقاء ببرنامج “الستات”، موضحة رؤيتها: "نمبر وان لازم يكون بيحبك، وبعدين نمبر تو عطاؤك، وبعدين لازم يلاقي راحته في بيته، حابب ييجي يقعد" متابعة: "البيت ده اللي يلاقي فيه واحدة بتقابله حلو، وبتعمله اللي هو نفسه فيه، وحاجته وجمته محطوطة على سريره مظبوطة، وأنا في بيتي بحب ده".

وأضافت الفنانة أنها كانت حريصة على المطبخ باعتباره جزء أساسي من العلاقة، مشيرة: "أنا أستاذة مطبخ وبحب المطبخ، وكل أكلاتي أنا وهو قاعدين في المطبخ، وكان بيديني أردرات وأنا بنفذ" مواصلة: "كان ما بيحبش يأكل من إيد حد غيري أو من إيد أمي، فكنت بعمل أكل زيادة مخصوص عشانه".

وعن الغيرة والاحترام قالت ميمي: "فيه كرامة في الحب، يعني زي ما بعملك كويس تعملي كويس، وزي ما بديك حقك وزيادة انت كمان لازم تديني حقي وزيادة، الاحترام أهم حاجة، انت لا تجرحني وأنا لا أجرحك".