ميمي جمال تهاجم حالات الطلاق: «دلوقتي بيطلقوا عشان بيشخر وهو نايم»

هاجمت الفنانة ميمي جمال سهولة قرار الطلاق في الوقت الحالي، مؤكدة أن جيلها كان يتحمل من أجل استمرار الأسرة والحفاظ على البيت، مواصلة حديثها: "أسهل حاجة دلوقتي اللي بسمعه الطلاق، حاجات غريبة وتسمع إن فلانة طلقت من فلان عشان بيشخر وهو نايم".

هو احنا ليه ما بقيناش نحتمل

وتابعت ميمي، خلال لقاء على برنامج الستات، على قناة النهار: "هو احنا ليه ما بقيناش نحتمل، شوفي انت احتملتوا ازاي وكل الأجيال دي كان عندها صبر وحب، أحس إن في مجالنا كان فيه زيجات طويلة"، مشيرة إلى أن العلاقة الزوجية تحتاج إلى كثير من التجاهل والتغاضي حتى تستمر المركب.

عدوا المركب عشان تمشي

وتابعت: "بدعي كل واحدة متجوزة هي وجوزها يحاولوا مع بعض يفوتوا لبعض ويعدوا المركب عشان تمشي، لأن المركب اللي ليه رايسين بتغرق".

وجود أولاد يجب أن يكون سببا كافيا للتمسك بالبيت

وأضافت الفنانة أن وجود أولاد يجب أن يكون سببا كافيا للتمسك بالبيت وعدم التسرع في الانفصال، موضحة الفرق بين فترة الخطوبة والزواج بقولها: "الراجل اللي لابس بدلة غير الراجل اللي لابس بيجامة، دلوقتي لابس بيجامة وقاعد جنبي على السرير بقى واحد تاني، طبيعي يتغير".