الإنسانية تنتصر.. أهالي الشيخ أحود يطلقون مبادرة لنقل أطفال الأورام إلى الأقصر

علقت الإعلامية سهير جودة، على أحد المواقف التي أثارت إعجاب الجمهور، عندما ساهم أهالي قرية الشيخ أحود، في إطلاق مبادرة لنقل أطفال الأورام إلى الأقصر.

الدنيا لسا بخير

وأضافت، خلال حلقة اليوم من برنامج «الستات» المذاع عبر شاشة النهار: «خبر صغير في الأقصر بيأكد إن الدنيا لسا بخير، أهل قرية الشيخ أحود في الأقصرعملوا مبادرة لتجميع مال لنقل الأطفال من مرضى الأورام للأقصر».

ومن جانبها أشادت الإعلامية مفيدة شيحة بالتصرف وصفته بالبطولي، وقالت: «المسافة من القرية لحد معهد القلب في أسوان طويلة لدرجة إن الأطفال بيتعبوا وكمان بيروحوا 3 مرات في الأسبوع».

أتوبيس مخصص للأطفال المصابين بالكانسر

وواصلت: «أهالي القرية الطيبين بعد صلاة الجمعة عملوا اجتماع علشان يجمعوا من بعض فلوس علشان يشتروا أتوبيس مخصص للأطفال المصابين بالكانسر يوديهم وينتظرهم ويجيبهم».

تضامن أصحاب القرية من اجل صحة أولادهم

وتابعت مفيدة شيحة: «على قد ما كانت المشكلة جوا القرية، على قد ما تضامن أصحاب القرية مع بعض علشان صحة أولادهم كان شيئ عظيم جدا جدا».

تكرار الأخطاء

وفي سياق سابق، علقت الإعلامية مفيدة شيحة على فكرة تكرار الأخطاء، وخاصة في حالة تكرار المواقف، مشيرة إلى أن هذا الشيئ يرجع للثقة الزائدة في الناس، قائلة: «في ناس بيكون سهل جدا يتفهموا والشخص اللي معاهم لو شرير بيقدر يأذيهم لأنهم أشخاص شفافة».

مشكلة تواجه أغلب الناس

وأضافت: «المشكلة دي بتواجه أغلب الوقت الناس اللي بتتعامل مع كل اللي حواليها إنهم أشخاص طيبين وبتحكي ليهم كل شيئ».

وواصلت: «أنا علشان مقعش في المشاكل دي باخد موقف من الشخص ومش بتعامل معاه إنه صديقي من أول لقاء.. ولما بتحط في مواقف معاه بحدد على أساسها هو صديق فعلا ولا لا».

كما أشارت إلى أن سهير جودة تكرر دائما الغلطة ذاتها، كما إنها تحزن بشدة في حال وقعت في نفس الخطأ، مضيفة: «كل مرة بتدي طيبة وعطاء ونية كويسة وحد بيضحك عليكي في الآخر».