«نعمل إيه بأكثر من رقمين؟».. مفيدة شيحة: يجب وضع قانون لتحديد عدد خطوط لكل شخص
طالبت الإعلامية مفيدة شيحة، أن يتم تطبيق قانون ينظم إمتلاك الأشخاص للخطوط، قائلة: «مينفعش أشتري خطوط براحتي لمجرد إن أنا عايزة أنزل اشتري خط ده مش صح، لازم يكون في قانون ينظم عدد الخطوط اللي ممكن يشتريها الشخص».
هنعمل إيه بأكثر من خطين؟
وأضافت، خلال حلقة اليوم من برنامج «الستات»، المذاع عبر شاشة النهار: «يعني مثلا ممكن الشخص يشتري خطين، ولو عايز يشتري خط ثالث يدفع فلوس أكثر، أو يكون المسموح هو خطين بس، أصل هنعمل إيه بأكثر من خطين؟».
خطورة الخطوط الكثيرة تكمن في عدم فهم كييفة استخدامهم
وفي هذا الصدد، أكد الدكتور محمد حجازي خبير تشريعات التحول الرقمي والملكية الفكرية، خلال مداخلة هاتفية في الحلقة، أن خطورة الخطوط الكثيرة تكمن في عدم فهم كييفة استخدامهم، قائلا: «مثلا لو حد عنده خطوط كتير وعارف بيستخدمهم إزاي وبيحافظ عليهم إزاي مفيش مشكلة.. المشكلة في إن في بعض الخطوط متسجلة باسماء أشخاص ميعرفش عنهم حاجة، أو إن الخطوط دي بدأت تتداول وصاحبها أصبح مش عارف هي فين أو بتستخدم في إيه».
الكشف عن الخطوط المسجلة ببياناتك
وأشار خبير تشريعات التحول الرقمي والملكية الفكرية إلى أن وزارة الاتصالات أطلقت آلية معينة للكشف عن الخطوط المسجلة ببياناتك، وذلك من خلال تطبيق ماي إنتري.
وتابع: «لو عايز تجيب خط لحد مفيش مشكلة تتحمل للتكلفة، لكن متسجلهوش باسمك، لأنه لو متسجل باسم ممكن تتحمل نتيجة أي شيئ يحصل بالخط والبيانات دي».
وفي سياق متصل، كشف النائب أحمد بدوي رئيس لجنة الاتصالات وتكنولوجيا المعلومات بمجلس النواب عن حزمة قرارات تنفيذية حاسمة اتخذها الجهاز القومي لتنظيم الاتصالات بالتعاون مع وزارة الاتصالات وشركات المحمول، للقضاء نهائيا على ظاهرة بيع الخطوط بأسماء المواطنين دون علمهم.
منع البيع عبر الموزعين وإلزامية بصمة الوجه
وقال بدوي، خلال تصريحات تلفزيونية، إنه اعتبارا من الأسبوع الأول من سبتمبر المقبل سيتم تطبيق نظام بصمة الوجه كشرط أساسي للتعاقد وتفعيل أي خط جديد.
وأضاف أنه تقرر حظر بيع أو تفعيل الخطوط عبر الموزعين المعتمدين أو المناديب نهائيا، واقتصار البيع حصريا على الفروع الرسمية لشركات الاتصالات فقط، مؤكدا أن ظاهرة بيع الخطوط على الأرصفة وفي المنافذ غير المعتمدة انتهت رسميا.
