مفيدة شيحة تكشف سر اهتمام عائلتها بها: "لو اختفيت ساعة الكل بيقلب الدنيا"

تحدثت الإعلامية مفيدة شيحة عن فلسفتها الخاصة في إدارة العلاقات مع المقربين، مؤكدة أن الاهتمام ليس مجرد شعور، بل هو عادة نغرسها فيمن نحب منذ البداية.

مش بظلم حد.. والتعويد هو السر

وأوضحت مفيدة خلال برنامجها “الستات” المذاع على شاشة "النهار"، نقطة جوهرية حول طبيعة التواصل بين الأهل، قائلة: "أنا عن نفسي لو اختفيت ساعة أهلي كلهم يسألوا علي، ليه؟ علشان أنا عندي ناس بيحبوني وعايشين معايا وعارفين يومي بيمشي إزاي". 

وأضافت أن المسألة تعود إلى القاعدة التي نضعها نحن في علاقاتنا: "أنا بعتقد إن احنا على حسب ما بنعود الحبايب اللي حوالينا".

خطر الغياب الطويل

وحذرت مفيدة من فكرة الغياب المتعمد أو الانقطاع لفترات طويلة بحجة الانشغال، مشيرة إلى أن هذا التصرف يبني جدارا من التعود على البعاد، قائلة: "أنا لو عودت اللي بحبهم، بنتي، جوز بنتي، أختي، أخويا، أو حتى أصحابي الأنتيم.. لو عودتهم إن أنا ممكن مأسألش عليهم وأبعد عنهم بشهور، هيتعودوا إن هي كويسة، ولما تبقى عايزة تبقى عايزة هتتصل".

الاهتمام يبدأ من عندك

وأكدت مفيدة شيحة أن المبادرة يجب أن تأتي من الشخص نفسه إذا أراد أن يظل محاطا برعاية أهله وأولاده، موضحة: "لو أنا عودتهم إن أنا كل يوم بسأل، وكل يوم بقولهم أخباركم إيه واتطمنوا عليا وأنتم مسافرين تليفون.. هعودهم إنهم طول الوقت يسألوا عليا، وخاصة ولادي".

وعلقت الإعلامية مفيدة شيحة على فكرة تكرار الأخطاء، وخاصة في حالة تكرار المواقف، مشيرة إلى أن هذا الشيئ يرجع للثقة الزائدة في الناس، قائلة: «في ناس بيكون سهل جدا يتفهموا والشخص اللي معاهم لو شرير بيقدر يأذيهم لأنهم أشخاص شفافة».

مشكلة تواجه أغلب الناس

وأضافت، خلال حلقة اليوم من برنامج «الستات» المذاع عبر شاشة النهار: «المشكلة دي بتواجه أغلب الوقت الناس اللي بتتعامل مع كل اللي حواليها إنهم أشخاص طيبين وبتحكي ليهم كل شيئ».

وواصلت: «أنا علشان مقعش في المشاكل دي باخد موقف من الشخص ومش بتعامل معاه إنه صديقي من أول لقاء.. ولما بتحط في مواقف معاه بحدد على أساسها هو صديق فعلا ولا لا».

كما أشارت إلى أن سهير جودة تكرر دائما الغلطة ذاتها، كما إنها تحزن بشدة في حال وقعت في نفس الخطأ، مضيفة: «كل مرة بتدي طيبة وعطاء ونية كويسة وحد بيضحك عليكي في الآخر».