غمرتوني بحبكم.. هاجر الشرنوبي تشكر متابعيها على تهنئتها بعيد ميلادها
حرصت الفنانة هاجر الشرنوبي على توجيه رسالة حب وتقدير لجمهورها ومتابعيها، خاصة بعد رسائلهم لها وتهنئاتهم بعيد ميلادها الذي وافق أمس، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت هاجر الشرنوبي معلقة: “شكراااا شكرااااا لكل اللي قالي كل سنة وانتي طيبه مش لاحقة أرد علي كل الرسايل بس هرد عليها كلها إن شاءالله، غمرتوني بحبكم ربنا يديم الحب، ودعواتكم”.
هاجر الشرنوبي تحتفل بعيد ميلادها
وقد احتفلت الفنانة هاجر الشرنوبي بعيد ميلادها الذي وافق أمس، وقد وجهت لنفسها ولجمهورها رسالة خاصة، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
حيث علقت هاجر الشرنوبي قائلة: "النهارده هبتدي سنه جديده من عمري، بعد الحمدلله يارب علي كل عطاياك، الحمدلله علي كل حاجه وحشة، الحمدلله علي كل حاجه حلوة، عاوزة أقول شوية حاجات إكتسبتها في رحلتي السنادي السنادي بقيت أهدي شوية، وعندي نظرة مختلفة لكل حاجة، يمكن كل جيلي والجيل اللي أكبر مني أدرك إن السنين بتجري بسرعه والوقت بقي بيطير فخلي بالك مافيش حاجه دايما اللي هيدوم بس السيره وعملك الطيب وده اللي شفتو ف اللي ماتو، كمان مافيش أي حاجه ف الدنيا تستاهل الزعل انا يمكن الزعل أكل من عمري كتير وانا بس اللي خسرت فمتزعلوش او ماتعيش الحالة دي كتير علشان ماتحبكش وتحبها وحط نقطه وعيش ياجدع، كمان الصحة ثم الصحة ثم الصحة خلي عندكم إدراك من بدري بدري انكم تهتمو بصحتكم علشان دي الوحيده اللي لو خانتك يبقي علي الدنيا السلانكاتية، دايرتك الصغيرة أهم وأغلي ماتمتلك حافظ عليها وإديها حبك ووقتك علي أد ماتقدر ونحط هنا قلوب كتيررر وخرزة زرقا، رزقك هيجيلك هيجيلك ولو قاعد جوه سريرك بس ماتبقاش متواكل ياحلو خليك جدع كده وإسعي، انا اللي أقصده ان مافيش حد بإيده يقطع عيشك أو يفيدك إلا بأذن الله، (إسعي ياعبد) علشان يكونلك كيان وقيمة، كمان اهم حاجه بعيشها ونفسي كل الناس تعيشها خليك حقيقي كون إنت زي ماانت واللي عاجبه عاجبه واللي مش عاجبه يشد ف حواجبه، خليك دايمآ وابدآ علي الله وإستعين بالله واعرف إنها كام ساعه وماشين ومافيش ولا حاجه مستاهلة".
