هاجر الشرنوبي تفتح "صندوق الأرصفة" وتطالب بمحاكمة المسؤولين عن مستشفى الشاطبي
أثارت الفنانة هاجر الشرنوبي حالة واسعة من الجدل عبر منصات التواصل الاجتماعي، بعد أن وجهت نداءً عاجلًا لوزارات الصحة والداخلية والتضامن الاجتماعي للتدخل الفوري في واقعة مستشفى الشاطبي بالإسكندرية.
بدأت الواقعة بمنشور للشرنوبي عبر حسابها الرسمي، أعربت فيه عن صدمتها مما يحدث داخل المستشفى، مشيرة إلى أن المشهد المعروف للجميع هو تكدس الأهالي على الأرصفة المحيطة لعدم وجود أماكن للإقامة.
لكنها فجرت مفاجأة نقلا عن شهادة "طبيبة امتياز" ومنشورات لناشطات، تتحدث عن "مهزلة" حقيقية وتجاوزات تحدث في غرف الولادة.
ومن جانبها، شددت الشرنوبي على ضرورة فرض "أعلى رقابة" ومحاكمة المتسببين في هذه الانتهاكات، مؤكدة بقولها: "حق الستات دول لازم يجي"، مع الإشارة إلى وجود كوادر محترمة بالمستشفى ولكن "إلا من رحم ربي".
ضحايا مستشفى الشاطبي يروين مأساتهن.. معاملة غير آدمية واستغلال حاجة المرضى
يستمر موقع «نيوز رووم»، في نشر شهادات ضحايا بعض الأطباء والعاملين بقسم النساء والتوليد في مستشفى الشاطبي الجامعي، وذلك بعدما فجرت طبيبة امتياز مفاجآت خطيرة حول تعرض السيدات لانتهاكات جسدية وتحرش داخل القسم.
ومن بين الشهادات جاءت شهادة جنا أشرف حيث قالت: «هحكيلكم بقى حكاية بمناسبة الفضايح، وكده من 4 سنين ابني كان عنده سنة ونص، وجاله أنيميا الفول وطلعت بيه على الشاطبي أنقله دم، دخلت الطوارئ وكان معايا الروشتة فيها ماسح تحويل من الدكتور المتابع لابني اللي هينقله دم لابني، وما خفي كان أعظم».
وأضافت: «رفضت الدكتورة تكشف على ابني بدون أي أسباب، بقيت أترجاها وأحاول اتبرع بدمي برغم إننا نفس الفصيلة O-، واكتشفت إنها مش عايزة تدي لابني دم إلا بالفلوس، وربنا شاهد على كل كلمة قولتها، روحت علشان آخد من الشخص اللي بيبيع كيس الدم مقابل دفع 5000 جنيه، كل ده علشان ألحق ابني، والذهول بقى لقيته فرد أمن في المستشفى جوا أصلًا كل اللي كنت عايزاه إني أعرف الفلوس اللي دفعتها دي علشان إيه، تخيلوا بقى إن نسبة الهيموجلوبين 4 في الدم، وما فيش أي وقت أنقذ بيه ابني، واستعنتوا إننا محتاجين فصيلة دمه، حسبي الله ونعم الوكيل فيهم جميعًا، وعند الله تلتقي الخصوم».
وأضافت أسماء محمود قائلة: «واحدة قريبة ولدت، روحنا نزورها، هي من إسكندرية وكانت ولادتها في الشاطبي، البنت روحنا لها بعد أسبوع نزورها، أقسم بالله عمري ما بنسى منظرها البنت بتتحرك بالعافية وهي محنية موطية على تحت خالص إزاي بنتي ولادة طبيعية حتى لو في خياطة مش هتبقى بالمنظر ده».
واستكملت: «قعدت تحكيلنا عن معاناتها في الولادة والمعاملة غير الآدمية، وإنهم ولدوها طبيعي بالعافية ومكانش ينفع تولد طبيعي أصلًا، والدكتور علشان مش قادرة تدفع وتخرج البيبي قام دكتور نام فوق بطنها بثقله كله علشان البيبي يخرج، وفضلت تصرخ ومش قادرة تاخد نفسها أصلًا لولا الممرضة قالتله حاسب يا دكتور دي هتموت».
تابعت: «فقام من فوقها، وطبعًا الولادة كانت صعبة جدًا واتعملها شق عجّان ضخم بمعنى الكلمة، خلاها تمشي راكعة حتى بعد مرور أسبوع والله عمري ما بنسى منظرها حسبي الله ونعم الوكيل ليه في الحكومي، النظام الزبالة ده ولو روحتي لنفس الدكتور عيادته هيعاملك أحسن معاملة ويطبطب ويدلع علشان بتدفعي له، بقى الطب الرحمة كله يتحول لسلخانات ومجازر بالشكل ده والله عندي أكتر من 6 سنين على ولادة قريبتي دي، ولحد الآن مرعوبة تكررها تاني وتحمل وتولد حسبي الله ونعم الوكيل».
أوضحت إسراء حسين: «كان عندي نزيف وكنت بجهض ومغص وكنا أول يوم العيد الدكتور بتاعي قال لي روحي الشاطبي، هي أحسن من أي مستشفى خاص أو حكومي، وأنا فعلًا اتصلت توصية من هناك ووصلت، سألوني مطلوب بطاقتك علشان صورة بطاقة، فقولت مش معايا، اتخانقوا وبعدين مش عايزين يكشفوا علشان يتأكدوا إن مش معايا بطاقة».
تابعت: «شوفوا البيبي في نص ساعة، ولا ظهر دم في قرف، وفي الوقت اللي بيسوق فيه كيفًا لو يكون وقف أصلًا، وبعدين حولوني على العمليات أعمل تنظيف، ومشيت عليهم بدون حتى حقنة مسكن، وكنت حاسة بالنحت كله، وصارح ولادهم مش بينجح والفلوس. تعنتروا بيقولوا خلاص استني ساعتين لما العمليات تفضى، والتمريض معاملته زبالة، وندمانة على إني سلمت لمجرد إني صرخت من شدة الألم والدتي قررت تنقلني من مستشفى تاني من الوجع، وقال خليكي مش مكمل تنظيف».
