تامر أمين: الأدب بيستر قليل العلم.. لكن العلم عمره ما يستر قليل الأدب
أكد الإعلامي تامر أمين أن الأخلاق والأدب يظلان الأساس الحقيقي لقيمة الإنسان، مهما بلغ من علم أو معرفة، مشددا على أن العلم وحده لا يكفي إذا غابت الأخلاق.
الأدب فضلوه على العلم
وقال تامر أمين، خلال تقديمه برنامج «آخر النهار»، المذاع على قناة النهار: «الأدب بيستر قليل العلم، لكن العلم ما بيسترش قليل الأدب، فالقاعدة بتقول الأدب فضلوه على العلم».
وأضاف: «الحقيقة القصة دي قصة أنا معني بيها طول الوقت وهي فكرة الأخلاق، فكرة الأخلاق، صحيح العلم مهم وأساسي وقيمة أساسية في حياتنا، والعلم نور، والعلم تقدم، والعلم تكنولوجيا».
الأدب اللي هو الأخلاق
وتابع: «لكن أنا في رأيي الأدب اللي هو الأخلاق هو البوصلة والمحدد اللي بتزبط طول الوقت طريق العلم، لأن احنا شفنا العلم لما كان بلا أخلاق عمل إيه؟ عمل أسلحة، وعمل قنبلة نووية، وقنبلة ذرية، وحرب عالمية أولى، وحرب عالمية تانية، ودمار وخراب في البشرية، فمصيبة سودة لما تسخر علمك للدمار والشر».
رسالة تامر أمين
واستكمل: «ليه؟ لأن هنا الأخلاق ما ضبطتهوش. حتى على مستوى الفرد، ممكن تلاقي إنسان أمي أو جاهل للأسف لم يتمكن من التعليم، بس في النهاية أخلاقه بيخليها بني آدم، وفيه واحد خد تعليم للصبح، لكن فقد الأدب، ففقد نفسه وفقد احترامه وتقدير الناس له».
واختتم تامر أمين رسالته قائلا: «عشان كده فعلا الأدب ممكن بيستر قليل العلم، لكن العلم عمره ما بيستر قليل الأدب».
