ريهام سعيد: جالي صداع رهيب من كم الصريخ بسبب ظلم منتخب مصر

علقت الإعلامية ريهام سعيد، على مباراة مصر والأرجنتين، قائلة: «ماتش كرة قدم جمعنا كلنا علشان ننزل ونزفع العلم.. الحقيقة إن اللي جمعنا هو حب مصر ومتأكدة إن الأمريكان في حالة ذهول من كم الجالية المصرية هناك ودعمهم للاعبي منتخب مصر.. وأنا متأكدة إن اللاعبين كمان بيكونوا متحمسين علشان يشوفوا الجمهور.

الظلم كان واضح على وجه كابتن الفريق

وأضافت، خلال حلقة اليوم من برنامج «صبايا الخير» المذاع عبر شاشة النهار: «إحساس الظلم اللي ظهر على وش محمد صلاح لما طلب من الحكم يشوف الفار وهو رفض.. ظهر على وش ابننا ضحكة بتأكد إنه أدرك إن الماتش مش هيمشي بالعدل».

الحكم هيتعاقب لكن حق المنتخب فين؟

وتابعت: «انا جالي صداع رهيب من كم الصريخ اللي صرخته من الظلم في الماتش ومكنتش عارفة هو الموضوع هيعدي عادي ولا حد هيتكلم ويقول إن ده ظلم.. لكن تمام الحكم هيتعاقب أو ممكن تكون متفق تعمل مسرحية مع الحكم.. لكن أنا كمنتخب مجتهد فين حقي بقا».

المدير الفني للمنتخب لازم يكون مصري

كما وجهت الإعلامية ريهام سعيد الشكر للرئيس  عبد الفتاح السيسي على قرار عدم وجود أي مدير فني أجنبي لمنتخب مصر، قائلة: «كان قرار صح إن المدير الفني يكون مصري».

عنصرية واضحة تجاه منتخب مصر منذ بداية وصول البعثة للمطار

وعن حركة الاعتراض التي وجهها المدير الفني لمنتخب مصر، لحكم المباراة، قالت: «المفروض يكون في كلام بعد الحركة دي بين كابتن حسام والحكم.. لكن كان في عنصرية واضحة من جانب الحكم وحتى مسألش عن سبب الاعتراض.. والعنصرية دي موجودة م بداية وصول المنتخب في المطارات والتفتيش كان غريب بين مختلف المنتخبات وكانت حاجة في منتهي السخف».

وفي وقت سابق، خرجت الإعلامية ريهام سعيد في بث مباشر لتوضيح موقفها بعد استدعائها لنقابة الإعلاميين على خلفية شكوى قدمت ضدها بسبب "حلقة الكلاب" في برنامجها.

وقالت ريهام سعيد: «أنا طالعة اللايف أشكر جمهوري وكل الناس اللي كانت قلقانة عليا.. أنا في الطريق راجعة من نقابة الإعلاميين وأنا من الناس المحظوظة جدا إن عندي 2 نقيب لأني عضوة في نقابة المهن التمثيلية والنقيب حبيب قلبي الدكتور أشرف زكي اللي ليه مواقف كتير جدا معايا.. ونقابة الإعلاميين كمان كل الاحترام والتقدير للدكتور أشرف سعدة لأن ليه مواقفه معايا ومع إعلاميين كبار وياما ساندنا ووقف جنبنا.. لكن هو دوره كنقيب لما تجيله شكوى يحقق فيها ويسأل الإعلاميين عن مدى صحتها».