بعد مباراة أمس.. هيدي كرم: "اللي حصل عار على الفيفا وعلى الإنسانية"
حرصت الفنانة هيدي كرم على أن تدعم المنتخب المصري، خاصة بعد خسارته أمس أمام نظيره الأرجنتيني في مباراة الدور ال16 من مباريات بطولة كأس العالم 2026، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
هيدي كرم تهاجم الفيفا والتحكيم
وقالت هيدي كرم معلقة: “أنا مبفهمش في الكورة، اللي بيقعد معايا نتفرج على الماتش لازم ينزل بالترجمة، بس الحقيقة أنه من ساعة ما اتلغى الكارت الأحمر تعريضًا وتبجيلًا لسيتي كول كان لازم نفهم أننا داخلين على سواد، في حاجات معينة بتعدي لناس معينة عادي، الحقيقة اللي حصل ده عار وعار كبير على الفيفا وعلى الإنسانية كلها، ويقولولك لا دي شعوب متقدمة مافيش عنصرية ومافيش اضطهاد مافيش كراهية، كل الناس بتتعامل معاملة واحدة أيا كان جنسك ولا لونك ولا عرقك، ما هذا العبث حتى الكورة دمرتوها”.
هيدي كرم تقدم نصائح لاختيار شريك الحياة
في سياق منفصل، قد كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.
وقالت هيدي كرم خلال فيديو عبر حسابها الرسمي على موقع تبادل الصور والفيديوهات إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".
لازم أكون أحسن نسخة من نفسي
وتابعت : "بس علشان أدور على أفضل راجل أو ست .. لازم أنا كمان أكون أحسن نسخة من نفسي .. وبالتالي لما أشتغل على نفسي وأوصل لأفضل نسخة مني ساعتها هجذب حد نفسي .. ولكن ميبقاش أنا قاعد عندي مشاكل وفيا العبر .. وأقول أنا عايز حد ياخدني ويشيلني من على الأرض شيل".
واختتمت هيدي كرم: "ماينفعش راجل يجي يقول على الست إنها مش عارفة قيمتك .. إيه هي قيمتك ؟ .. هل أنتو فعلًا ليكم قيمة حقيقية ؟ .. أو إشتغلتم على نفسكم؟".
