هيدي كرم تثير الجدل: أنا رقصت على السلم 90% من حياتي

قالت الفنانة هيدي كرم: «أنا ممكن أبص لحياتي من منظور إن أنا اتجوزت صغيرة واتطلقت صغيرة وعلاقتي بابني كانت وحشة في فترة من الفترات.. وكمان معملتش فلوس كتير وكل اللي بدءوا معايا سبقوني، يعني أنا رقصت على السلم 90% من حياتي».

هختار أعيش في الجنة دي ولا النار دي

وأضافت هيدي، خلال تصريحات تلفزيونية: «لكن ممكن أبص لحياتي من منظور تاني وهو إني الحمد لله عندي ولد زي الفل وعلاقتي بيه كويسة جدا وشكلي حلو وصحتي حلوة وليا صوت مسموع على السوشيال ميديا.. أنا ممكن أبص لحياتي من هنا أو هنا وأختار أعيش في الجنة دي ولا النار دي».

وفي سياق آخر، خرجت الفنانة هيدي كرم عن صمتها لتقدم للسيدات المرتبطات أو المتزوجات نصائح ذهبية للتعامل وهي تستعد لمقابلة شريك حياتها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.

هيدي كرم تقدم نصائح للسيدات 

وقالت هيدي كرم في الفيديو: “لو قفشتي نفسك وأنتي بتجهزي لخروجة مع شريكك سواء خطيبك أو جوزك أو حبيبك بتفكري أنك تكوني أحلى واحدة في الخروجة أو أن تعلمي على كل البنات، أعرفي أن في حاجة غلط، أعرفي أن عندك مشكلة لو هو ده تفكيرك دايمًا كده ممكن يكون عندك مشكلة مع ثقتك في نفسك، شايفة نفسك قليلة أو عندك نظرة دونية، ياما شريكك مش محسسك بثقة في نفسك، دايمًا محسسك أنك مهزوزة، لو هو محسسك الإحساس ده يبقى لازم تعرفي أن العلاقة دي معطوبة ومحتاجة طوبة، لأن المفروض تكوني مركزة على حاجات تانية زي أنك تكوني مبسوطة، أنك تكوني واثقة من نفسك، أنك تكوني حابة شكلك، لكن مش أنك تبقى في وضع مقارنة في دماغك بينك وبين أي ست تانية في القاعدة، لازم تقفي مع نفسك واقفة قوية وتفكري المشكلة طالعة منك أنتي ولا منه هو وأيًا ما كان كل حاجة ليها حل، وأول خطوة للحل هي معرفة المسكلة نفسها”.

كما كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.