ياسمين عز: إحذر يا ميسي من المنتخب المصري واستخبى عشان ياسر إبراهيم بيدور عليك

توقعت الإعلامية ياسمين عز نتيجة مباراة مصر واستراليا اليوم ضمن مبارايات كأس العالم 2026، قائلة: « عن توقعي لماتش مصر واستراليا فمصر إن شاء الله هتكسب 2-1 والله أعلم». 

وأضافت ياسمين عز، خلال تقديمها برنامج «كلام الناس» المذاع على قناة إم بي سي مصر، «ولو خسرنا لا قدر الله متزلعوش لأنه في الحالة دي استراليا هتلاعب الأرجنتين وميسي وده في حد ذاته عقاب أكبر من إننا نكسبهم». 

وتابعت ياسمين عز: «لكن لو كسبنا ف إحذر يا ميسي واستخبى ياسر إبراهيم بيدور عليك ولو لقاك مش هيسيبك ومتنساش ماتش الأهلي وإنترميامي لما عملك كدهوت». 

وفي سياق آخر، وجهت الإعلامية ياسمين عز مجموعة من النصائح للمنتخب المصري قبل مواجهته اليوم مع المنتخب الاسترالي ضمن مبارايات كأس العالم 2026، إيمانا منها أن ذلك النصائح ستساعدهم في الفوز على استراليا، قائلة: « منتخب أستراليا حقودي وحسودي، الخطة كالآتي: مافيش عرضيات لغوها خلاص مش هنسمح لأي حد يلعب كورة عرضية أو نحط عالوينجين ألغام وأسلاك شائكة». 

وأضافت ياسمين عز، خلال تقديمها برنامج «كلام الناس» المذاع على قناة إم بي سي مصر، «لاعيبة المنتخب الأسترالي طوال جدا وعشان لاعيبتنا تطولهم محتاجين ينطوا على الترامبولين بتاعة الملاهي فإحنا نتفادى ده ونلغي العرضية ده أول خطوات المكسب، تاني حاجه». 

نصائح ياسمين عز للمنتخب المصري قبل مواجهة المنتخب الاسترالي اليوم 

وتابعت ياسمين عز: «المهاجم بتاع المنتخب الاسترالي اسمه محمد توراي وده إفريقي مش استرالي فده ممكن نجنده عادي لفريقنا نقوله تعالى هنلاعبك في الأهلي ونجيبلك شقة على النيل وكل يوم هنجيبلك كباب وكفته وزنعملك شو الملوخية وهو ما هيصدق». 

وقالت ياسمين عز للمنتخب المصري قبل مواجهة استراليا: «في ثغرة لازم نستغلها لاعيبة استراليا طوال فإحنا نلعب على الأرض ونشوط شوطات أرضية ماكرة وننزل من تحتيهم أو من بين رجليهم أو أما ينطوا نعدي إحنا ونجيب الجون دي خطة متخرش الماية». 

وفي سياق أخر، قالت الإعلامية ياسمين عز: «فتوح اتصاب في الخلفية وعندي إحساس إنه بيفطر سجاير وشاي والغداء كشري في عيش.. وياخوفي على ولادنا عندنا أزمة تغذية في المنتخب وولادنا مفيش أوسم ولا أشطر منهم لازم نغذيهم.. هما أحسن من هالاند اللي شبه التتار وبياكل بيض تنين.. ده واكل طن ونص سمك لوحدة لحد دلوقتي ولحمة أجمل حته في العجل.. بلاش جو لاقيني ولا تغديني ده».