ابنة محمد مرزبان في منشور مؤثر: الوجع أكبر بكثير من إني استحمله
في منشور مؤثر، أعربت شهد ابنة الفنان الراحل محمد مرزبان، عن حزنها الشديد لرحيل والدها، وعدم استطاعتها تحمل الأمر.
وكتبت شهد مرزبان عبر حسابها بموقع فيسبوك: “فضلت 4 أيام عايشة على أمل الـ 1% ومتمسكة إنك هتخف وإن كل حاجة هترجع زي الأول. مكنتش عايزة أصدق كلام الدكاترة، وكنت بقول أكيد هيحصل معجزة و دعيت كتييير اوي ولحد النهارده مش قادرة استوعب إنك خلاص مشيت بجد”.
وأضافت شهد محمد مرزبان: “مش فاهمة، ومش عارفة هكمل إزاي من غيرك مش قادرة أصدق إن دي الحقيقة. الوجع أكبر بكثير من إني استحمله عمري ما تخيلت ولا عملت حساب لليوم ده ولما جه جه فجأة وكل حاجة حصلت بسرعة.. يا رب اربط على قلبي، وصبرني على فراقه وحشتني يا بابا وحشتني أوي”.
