أبكت محبيه.. ابنة محمد مرزبان تنشر لقطات أسرية مع والدها الراحل
نشرت ياسمين، ابنة الفنان الراحل محمد مرزبان، عبر حسابها بموقع إنستجرام، مقطع فيديو يجمع لقطات أسرية سعيدة لوالدها قبل وفاته.
وأثار الفيديو حزن محبين الراحل، وتذكروه بالخير ودعوا له بالرحمة والمغفرة.
في سياق متصل، كانت شهد الابنة الكبرى للراحل، كتبت منشور مؤثر عبر حسابها بعد وفاة والدها بأسبوع، جاء فيه: "عدى أسبوع، ولسه مش قادرة أصدق إن دي الحقيقة. مش قادرة أستوعب إني مش هشوفك تاني ولا هسمع صوتك إلا في الصور وvoice notes اللي بقيت بسمعها كل يوم واسمع نصايحك ليا و"صباح الفل يا شهوده" عشان أصبّر نفسي..بتمنى إنه يكون كابوس وإن مفيش حاجة حصلت و اشوفك تاني. كان نفسي تشوف حب الناس من اللي تعرفك واللي متعرفكش، وقد إيه سيرتك طيبة وحلوة احنا عشنا ولسه وهنفضل عايشين متشرفين إنك أبونا".
وأضافت ابنة محمد مرزبان: “كان نفسي في حاجات كتير أوي لسه نعملها مع بعض؛ خروجات، وسفريات، وقعدة البيت ناكل على سفرة واحدة، وحسن وحمزة يصدعوك من كتر الكلام، وفطار يوم الجمعة بعد الصلاة، مشيت وسيبت فراغ كبير أوي.. بس أنا حلمت بيك واطمنت إنك بخير وفي مكان أحلى بكتير، وربنا بعتلنا علامات كتير تطمّنا عليك يا حبيبي. كان نفسي أقولك كل يوم إني بحبك. كان نفسي أحضنك وأبوسك كل يوم. كان نفسي أقولك كل يوم إنك أعظم أب في الدنيا".
ورحل محمد مرزبان عن عالمنا يوم الأربعاء 17 يونيو بمستشفى أبو خليفة بالإسماعيلية أثر حادث أليم تعرض له خلال قيادته للموتسيكل.
