سالي عبدالسلام: "جالي اكتئاب حمل وده مالوش علاقة بالصلاة مكنتش بفوت فرض"
أثارت الإعلامية سالي عبدالسلام الجدل بعد إعلانها عن تعرضها لاكتئاب حمل، ونفت تمامًا صلة هذا بعدم الصلاة، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
سالي عبدالسلام تتعرض لاكتئاب حمل
حيث قالت سالي عبدالسلام موضحة: “عيطت كتير؟ اه عيطت كتير! كنت خايفة مرجعش تانى لوزنى؟ اه خفت جداً، جالى اكتئاب حمل من الادوية وأولهم دواء الضغط وانا بحقق امنية كنت بتمناها ومش بفوت فرض اللهم بارك أه حصل والاكتئاب ملوش علاقة بالصلاة!، جالى اكتئاب بعد الحمل وسألت على مساعدة ولحقت نفسى! حصل، و طبيعى جداً حتى لو دى كانت امنيتك الوحيدة فى الدنيا، احترموا مشاعر بعض، مش هنعلى على بعض مش مسابقة !، انا سمعت كلام يزعل ويوجع وكله بغرض الهزار و يمكن ده كان الدافع!، انا فى ناس كتير اوى كانت جمبى ومن غيرهم مكنتش هعرف ارجع وبشكرهم واحد واحد وهقولكم عملت ايه عشان نفيد بعض، مستنية اخلص الرحلة دى واطمن واقول فى الوقت المناسب كل التفاصيل، لا مشربتش مياة ولعبت رياضة زى ما بيطلعوا يقولوا و يضحكوا علينا”.
تجهيزات سالي عبدالسلام للولادة
في سياق منفصل، قد حرصت الإعلامية سالي عبدالسلام على أن تشارك متابعيها مراحل ولادتها وتجهيزاتها ومعرفة نوع الجنين، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام، وكشفت من خلاله عن دعوة تعلمتها من الشيخ خالد الجندي.
وعلقت سالي عبدالسلام على الفيديو قائلة: "منظرنا وحش جدا، مفتحش السبراى عشان كنا بنتأكد انه ازرق قبلها وفتحناه و قفلناه بسرعة بااااظ، بحبكم من قلبى ومحتاجة كل دعوة ، ماشاء الله اللهم بارك واحفظه واحميه واجعله ذرية صالحة و العوض و قر عينى بيه انا ومؤمن، احلى دعوة شيخ خالد الجندى قالهالى لما قولتله ادعى بأيه تبقى دعوة شاملة، قالى اقول" جاملني فيه يا رب “ الله، اللهم ارزق كل اللى نفسه وكل حد جاله امل..اللهم اجبر كل قلب مشتاق، اللهم طمن كل ام على ولادها و اجعلهم سند و ضهر و عوض، شكرا من قلبى..ومش كلام والله انتوا السبب ..دعواتكم كانت وهتكون سحر!، ابنكم عارفة ان ليكم فيه و كل واحد فيكم دعا بيه ..فى قلبى لاخر عمرى و هفضل احكيله الحكاية دى …رزقى ..ورزقى جميل يا رب اللهم بارك ماشاء الله وحبب فينا خلقك”.
