سالي عبدالسلام تكشف معاناتها مع مولودها: "بتعملوها إزاى؟" |فيديو

كشفت الإعلامية سالي عبدالسلام، عن جانب من معاناته مع مولودها الأول بطريقة كوميدية، عبر حسابها الرسمي على موقع التواصل الاجتماعي "فيسبوك".

ونشرت سالي عبدالسلام، مقطع فيديو، وعلقت عليه قائلة: "أنا مش بهزر الأمهات دى مفيش زيه، أنا لسه المشوار طويل وبعيط من دلوقتى الحمدلله".

وأضافت سالي عبدالسلام، قائلة: "إنتوا بتعملوها إزاى؟ إزاى؟؟ عدم النوم! عدم الراحة ! مش مهم الدواء بتاعى لو فى دواء ليه..ازاى ومفيش نوم بتكملوا! مش هزار".

واختتمت سالي عبدالسلام، قائلة: "ده أسلوب تعذيب للمساجين، إنتى بطلة، أنا غلطانة إنى مكنتش أعرف كل ده ولا عمرى حسيت بأم!".

تجهيزات سالي عبدالسلام للولادة

وعلقت سالي عبدالسلام على الفيديو قائلة: "منظرنا وحش جدا، مفتحش السبراى عشان كنا بنتأكد انه ازرق قبلها وفتحناه و قفلناه بسرعة بااااظ، بحبكم من قلبى ومحتاجة كل دعوة ، ماشاء الله اللهم بارك واحفظه واحميه واجعله ذرية صالحة و العوض و قر عينى بيه انا ومؤمن، أحلى دعوة شيخ خالد الجندى قالهالى لما قولتله ادعى بأيه تبقى دعوة شاملة.

وتابعت قائلة: " قالى أقول جاملني فيه يا رب الله، اللهم ارزق كل اللى نفسه وكل حد جاله امل..اللهم اجبر كل قلب مشتاق، اللهم طمن كل ام على ولادها و اجعلهم سند و ضهر و عوض، شكرا من قلبى..ومش كلام والله انتوا السبب ..دعواتكم كانت وهتكون سحر!، ابنكم عارفة ان ليكم فيه و كل واحد فيكم دعا بيه ..فى قلبى لاخر عمرى و هفضل احكيله الحكاية دى …رزقى ..ورزقى جميل يا رب اللهم بارك ماشاء الله وحبب فينا خلقك".

صور سالي عبدالسلام ومولودها

في سياق آخر، قد شاركت سالي عبدالسلام جمهورها عبر "فيسبوك" فرحة عودتها إلى المنزل مع مولودها الجديد هارون، مصحوبة بصور من اللحظات الأولى للأمومة.

وقالت سالي عبدالسلام في منشور لها: "ادعوا لأمي، أول ما دخلنا البيت جالها نزلة معوية حادة، وأنا اللي قاعدة بيها، والمفروض كانت هي تعملي أنا وهارون، ادعولي بجد، أنا بحاول لوحدي!! وأنا خايفة، الحمد لله".

ورحبت بمولودها الول هارون قائلة: "أهلًا بك هارون والحمد لله حمداً كثيراً مباركاً فيه.. أكرمتني فلك الحمد يا الله، ما شاء الله، اللهم بارك ودمه نعمة وسند وظهر لينا يا رب، وادخلنا بيه الجنة يا رب".

ووجهت الشكر لطاقم المستشفى: "عارفة إننا كنا تحت ضغط والميعاد فجأة ومش عارفة أشكركم إزاي بجد".