ياسمين عز عن توقعات نتيجة مباراة مصر وإيران: لو هما سجاد إيراني فإحنا النساجون

توقعت الإعلامية ياسمين عز نتيجة مباراة منتخب مصر وإيران في كأس العالم المقرر عرضه صباح غد السبت، قائلة: «أنا توقعي للماتش 2-0 للمنتخب المصري بس المهم هنلعب بخطة اي وإحنا هنلعب بخطة النساجون الشرقيون إذا كانو هما سجاد إيراني فإحنا النساجون الشرقيون المصريون». 

وأضافت، خلال برنامجها «كلام الناس» المذاع على قناة إم بي سي مصر، «الخطة ستكون لو خطفنا المهاجم قبل الماتش وصلاح حط التاتش هنجيب 2-0 هنكون كده شكرا مش عايزين حاجه تانية إنت نازل تلاعب قوم مستقتلين على الكورة». 

بيقعد يعملك في سجادة سنتين

وتابعت: «الواحد فيهم بيقعد يعملك في سجادة سنتين يعني ممكن يناملك على الكورة مايسيبهاش غير يوم اعتزالك فعادي عنده يرقصك 4 سنين لحد كاس العالم الجاي وعندهم واحد اسمه علي رضا برانفاندا ممكن يشوط الكورة بمناخيره يدخلها فيك جول». 

وأشارت إلى أن المنتخب الإيراني لديه لاعب أخر يسمى بـ «شهريار»، قائلة: «ده خارج من الف ليلة وليلة شهرزاد منكدة عليه وجاي يطلع كل ده علينا ده هنصدرله زيزو والمهاجم بتاعهم لو حلق عليه صلاح ومرموش محدش يحوش فلازم نشتغل بخطة ونعمل بخطة يا نخطف المهاجم يانخرم الشبكة». 

وفي سياق آخر، قالت الإعلامية ياسمين عز، خلال حلقة اليوم من برنامج «كلام الناس» المذاع عبر شاشة إم بي سي مصر: «مش مصدقه نفسي وانا بقول ان الذهب رخص.. انهيار نسبي لسعر الذهب وهو بيخسر وبيقل جدا وأنا مش مصدقة انخفاض 25% في سعر الذهب»

هات لها شوية جنيهات ذهب 

وأضافت: «اللي عنده خطيبه يقدر دلوقتي يجيب لها شويه جنيهات ذهب ولا حلقين حمصة او سلسلة ما شاء الله.. بدل ما تقولها حطي كلامي حلقة في ودنك هاتلها حلق حقيقي حطه في ودنها».

وتابعت: «أنا خبيرة طبعا في الذهب والألماظ هقولك تعملي إيه الذهب.. أكيد مش هنبيع يعني مبعناش وهو غالي هنبيع وهو رخيص.. الذهب زينة وخزينة بنخبية سواء رخص أو غلي».

وأردفت: «كل اللي كانوا عايزين يتخطبوا أو يتجوزوا وكان بيقول لها الذهب غالي أهو فرصتك روح هات شبكة وأخطب».