فيدرا: "مكنتش ناوية يبقى عندي هذا الكم الهائل من الكلاب والقطط"
كشفت الفنانة فيدرا عن عدم رغبتها من البداية في التكفل بهذا الكم الهائل من الكلاب والقطط، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
حيث قالت فيدرا: “كم البشر اللي بيبعتوا حالات للملاجئ ويبقوا هيتكفلوا بيهم وبعد كده يختفوا والملاجئ تكلمهم ميردوش، وبعد كده نقول أصل الملاجئ مش بتساعد، الملاجئ عايشة على التبرعات أو التكفل بحيوانات عندهم، أنا حاسة بكل اللي فقدوا حيواناتهم بس في قضية دلوقتي أهم وهي الإنقاذ لو كل واحد ماتله حيوان هيقول أنا مش هتكفل بحيوان تاني طب الحيوانات استفادت أيه، أنا بطلت أكلم الملاجئ لأن عارفة أن عندهم اللي يكفيهم، يعني أنا كنت عايزة يكون عندي هذا الكم الهائل من الكلاب والقطط، دي مكنتش خطتي”.
فيدرا تعلق على ظاهرة ملاجئ الحيوانات
وعلقت فيدرا قائلة: “مش سحر و شعوذة، الحقيقة إن أغلب الناس بتطلب مساعدة وبس. لا تبرعات، لا تبنّي، لا رعاية، لا مشاركة حقيقية في الحل، الناس اللي ذكرت أساميهم في الفيديو ناس محترمة ونضيفة، كرّسوا حياتهم للحيوانات، تليفوناتهم شغالة 24 ساعة، وبيجروا طول اليوم والليل علشان ينقذوا أرواح، بس هما بشر في الآخر، وعندهم حدود، وجمعياتهم محتاجة دعم زي ما الحيوانات محتاجة إنقاذ، لو عايزين حد يفضل يساعد، لازم نساعده هو كمان.”
تعليق فيدرا على طريقة إدارة الحوار في البرامج
في سياق آخر، قد هاجمت الفنانة فيدرا طريقة إدارة الحوار في اللقاءات، خاصة بعد اللقاء الذي أثار الجدل مؤخرًا في برنامج الحكاية الذي يقدمه الإعلامي عمرو أديب، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
وقالت فيدرا في الفيديو: “أنا في العموم بتحاشى أني اتفرج على لقاءات فيها قضايا لأن لغة إدارة الحوار بتبقى سيئة، لما نتكلم عن قضية تهمك أنت شخصيًا بيحاولوا يستفزوك بكل الطرق، لو مناظرة بتبقى إدارتها زي الزفت، لو البرنامج هوا فكرة أنك تمنتجوا مش واردة، رجاء من المسئولين عن البرامج واللي بيديروا الحوار يختاروا ضيف ميبقاش جاي يفرد عضلاته، جاي يتناقش بجد مش جاي يهاجم، هو مش حرب هو حوار على هيئة مناظرة، بتكون إدارتها مش سهلة إلا لو معاك ضيوف مبيتغظوش بسهولة، ودايما بيكون في واحد موجود عشان ينرفز اللي قدامه، علشان يحصل مشاجرة ويطلعوا تريند، أحنا مش بنعمل تريندات عايزين مشاهدة محترمة للناس”.
