فيدرا تحتفل بعيد ميلاد شقيقها: "كبرت وبقيت راجل وهتفضل أخويا الصغير"
حرصت الفنانة فيدرا على أن تحتفل بعيد ميلاد شقيقها الأصغر، وذلك من خلال نشر صورة لهما وهما في سن الطفولة عبر حسابها الرسمي على موقع التواصل الإجتماعي فيسبوك.
عيد ميلاد شقيق فيدرا
حيث قالت فيدرا معلقة: “كل سنة وأنت طيب يا حبيبي، الصورة دي بتوثّق علاقتنا من زمان، من وأنت بيبي وأنا عايزة أعلمك السباحة بالعافية، وأنت بتعيط وأنا مصممة إنك هتتعلم يعني هتتعلم، أنت طبعًا كبرت وبقيت راجل، بس بالنسبة لي هتفضل أخويا الصغير، أنت من أطيب وأكرم وأنضف الناس اللي في حياتي، وواحد من أكتر البني آدمين موهبة على الإطلاق. كبرت، لكن قلبك لسه زي ما هو قلب بيبي، الدنيا من غيرك هتبقى أقل جمال، وأقل موهبة، وأقل في كل حاجة، I love you، ربنا يخليك ليا، ويحفظك، ويفرح قلبك دايمًا، Happy Happy Birthday, my love”.
تعليق فيدرا على طريقة إدارة الحوار في البرامج
في سياق آخر، قد هاجمت الفنانة فيدرا طريقة إدارة الحوار في اللقاءات، خاصة بعد اللقاء الذي أثار الجدل مؤخرًا في برنامج الحكاية الذي يقدمه الإعلامي عمرو أديب، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
وقالت فيدرا في الفيديو: “أنا في العموم بتحاشى أني اتفرج على لقاءات فيها قضايا لأن لغة إدارة الحوار بتبقى سيئة، لما نتكلم عن قضية تهمك أنت شخصيًا بيحاولوا يستفزوك بكل الطرق، لو مناظرة بتبقى إدارتها زي الزفت، لو البرنامج هوا فكرة أنك تمنتجوا مش واردة، رجاء من المسئولين عن البرامج واللي بيديروا الحوار يختاروا ضيف ميبقاش جاي يفرد عضلاته، جاي يتناقش بجد مش جاي يهاجم، هو مش حرب هو حوار على هيئة مناظرة، بتكون إدارتها مش سهلة إلا لو معاك ضيوف مبيتغظوش بسهولة، ودايما بيكون في واحد موجود عشان ينرفز اللي قدامه، علشان يحصل مشاجرة ويطلعوا تريند، أحنا مش بنعمل تريندات عايزين مشاهدة محترمة للناس”.
