«الإدارة مش بناخد منها حق ولا باطل».. طالبة تستغيث من إحدى المدارس الدولية
بعد ساعات من استغاثة ولية أمر بوزير التعليم من مدرسة Cambridge egypt school، كشفت إحدى طالبات المدرسة عن تفاصيل واقعة قديمة حدثت معها ومع شقيقها في المدرسة ذاتها، مطالبة المتابعين بالإشارة إلى صفحة وزارة الداخلية ليتم معاقبة المشاركين في هذه الوقائع.
وقالت، خلال مقطع فيديو نشرته على صفحتها الرسمية على «تيك توك» إن مديرة المرحلة الإعدادية في المدرسة كانت تضطهدها هي وشقيقها، قائلة: «أنا في يوم كنت في المدرسة ووشي كان أحمر جدا من البرد والمديرة قالتلي إنتي جايه المدرسة بمكياج.. اغسلي وشك وأنا وشي مكانش فيه حاجة بس قلت هريحها وخلاص ودخلتني الحمام وأنا معايا 3 كباتن ستات وغسلت وشي بغسول الإيد. وبالرغم من إن هما قالولها مفيش حاجة على وشي بس هي مصدقتش ومسكت منديل مسحت وشي وهو ناشف وحصلي التهاب في وشي.. والطبيبة في المدرسة جابتلي مضاد حيوي وفضلت طول اليوم في وش المروحة علشان وشي».
وأكدت أن والدتها حاولت أن تقدم شكوى في مديرة المرحلة الإعدادية بالمدرسة لكنها لم تتمكن من تقديم شكوى في الإدارة، مضيفة: «الإدارة دي مش بناخد منها ولا حق ولا باطل وكل ما بنحاول نوصل جواب لصاحب المدرسة مفيش حاجة بتوصله ومش بياخد أي موقف.. وعملنا محضر واتركن محدش عبره».
وعن اضطهادها لشقيقها، قالت «عرفت إن يوسف أخويا أي حاجة بقا يعملها تعمله رفد أو إنذار وبتخلي الكباتن يدخلوه أوضة التربية الرياضية ويضربوه».
كما كشفت عن انتقاد المديرة لحجابها، قائلة: «في يوم حصلي مشكلة مع بنت وهي قلعتني الحجاب ولما طلعت اشتكي المديرة قالتلي إيه المشكلة لما تشدك من شعرك هو اللي انتي لبساه ده مسمياه حجاب.. لكن في مدرس تاني تدخل وقالها ملناش علاقة».
وتابعت: «بعد كل ده مامتي وجوزها حاولوا كتير يقدموا شكوى ومحدش كان بيرضى يدخلهم المدرسة والمفروض دي مدرسة دولية محترمة مش حكومة ولا تجريبي.. وقالوا لزوج ماما أنت مش ولي الأمر ومش أبوهم مش هتدخل».
وأردفت: «بعد كل ده كنا خلاص هننقل من المدرسة وفي آخر يوم ليوسف أخويا كان رايح يحتفل بالتخرج من الإعدادي مع صحابه وهي قللت منه وقالتله كلهم هيطلعوا على المسرح إلا الولد ده هيقعد يتفرج عليكم ومش طالع».
واختتمت: «تأكيدا لكلامي في ولية أمر طلعت في فيديو بتشتكي من المدرسة وأنا بطالب بحقي وحق أخويا وحق كل اللي اتظلم في المدرسة دي».
