بعد وفاتها.. شقيق سهام جلال يحذف فيديوهات الرقص: "كنت بعارضها كتير"
خرج خالد جلال شقيق الفنانة الراحلة سهام جلال، ليكشف عن سبب حذفه لفيديوهات الرقص من حساب شقيقته الراحلة بعد أيام من وفاتها، وذلك من خلال بث مباشر على موقع التيك توك.
حذف فيديوهات الرقص والأغاني
حيث قال خالد جلال: “قنوات كتير كلمتنا عشان نطلع معاهم ولكن أحنا في حالة متسمحلناش بده، وطلعت دلوقتي عشان الناس اللي بتتمحك فينا وكان لازم حد من عيلتها فعلا يطلع يرد وبما أني راجل البيت بعدها فكان لازم أنا اللي اطلع، أحنا مسحنا فيديوهات الرقص والأغاني من حساباتها ونتمنى من الله يغفر لها كل الذنوب، كانت روح خفيف وطاقتها إيجابية، كانت بتحبكم أوي بالرغم من أني كت بعارضها كتير ومش حابب انها تظهر على التيك توك بس هي دي الحاجة اللي كانت بتسليها”.
وأكد خالد جلال أن جميع الأعمال الخيرية التي كانت تقوم بها سهام جلال شقيقته سوف يستكملوها من بعدها، ولن يذكر الأسماء لأن هذا الأمر كان بينها وبين الله حتى أهلها لم يكونوا على علم إلا بعد وفاتها.
مصدر مقرب من سهام جلال يكشف لـ "نيوز رووم" مفاجأة عن وفاتها
وقد رحلت عن عالمنا منذ أيام الفنانة سهام جلال متأثرة بخضوعها لعملية جراحية أدت إلى وفاتها خلال الساعات الماضية، وكشف مصدر مقرب من سهام جلال عن بعض التفاصيل الخاصة التي أدت إلى خضوعها للعملية الجراحية ، مشيرا في حديثه أن الأشعة والتحاليل كانت لا تؤهلها للخضوع إلى العملية .
وقال المصدر في تصريحاته لنيوز رووم : الأشعة والتحاليل اللي اتعلمت ماكنتش تأهلها إنها تعمل عملية، ولكن الدكتور وهي قرروا إنها تعمل العملية علشان كانت تعبانة ، وخرجت من العملية عضلة القلب عندها ضعفت، ودخلت العناية المركزة وعملوا إنعاش للقلب، واشتغل تاني وبعدها وقف وماتت .
عايدة غنيم تفجر مفاجأة عن سهام جلال
وقد خرجت الفنانة عايدة غنيم منهارة حزنًا على وفاة صديقتها المقربة الفنانة سهام جلال، وذلك من خلال مقطع فيديو عبر حسابها الرسمي على موقع تيك توك، لتكشف بهذا الفيديو عن أزمات في حياة سهام جلال قبل وفاتها.
حيث قالت عايدة غنيم موضحة: “سهام ماتت وسابتهالكم، يارب ترتاحوا أو ارتاحوا بشع وطمع وتقطيع في بعض، أقسم بالله لغاية لما روحت المستشفى أنا مكنتش مصدقة، كان نفسي تطلع إشاعة، فجأة مشوفتش قدامي غير الناس اللي بتقطع في بعض وبتاكل في بعض وبتتكلم في ضهر بعض، كل ده عشان الفلوس وشان حاجات مالهاش أي لازمة، نسينا ان الدنيا دي مالهاش أمان، وأن البني أدم ممكن في لحظة ينام وميصحاش تاني، أنا مش قادرة أستوعب، بس بقولكم اطمنوا لكل واحدة اتكلمت في ضهرها، وعايزة أقولكم حاجة هي لآخر لحظة كنتوا أنتوا أخصامها عند الله، وقايلالي بالاسم، أنا بس قولت أقولكم يارب ضميركم يكون مستريح، وتقدروا تناموا على المخدة كده وأنتوا كنتوا ظلمينها أو افتريتوا عليها للأسف أنا مش قادرة أقول أساميكم لأنكم أنتوا صحابي”.
