رسالة نارية من يوسف الحسيني للمنتقدين: صلاح مش لازم يبقى إخوان عشان يعجبكم
علق الإعلامي يوسف الحسيني على أداء منتخب مصر أمام البرازيل أمس، قائلا: «عايز أقول كلمتين مهمين ولازم نفتلحهم ودانا كويس أوي، من الآخر كده هو اي قصة استهداف محمد صلاح في الرايحة والجاية؟، اي قصة أصل محمد صلاح مبيلعبش لما بينزل مع المنتخب؟».
صلاح أهم هداف تاريخيا
وأضاف، خلال تقديم برمامجه «مساء جديد»، المذاع على قناة المحور: «عايز أعرف اي القصة دي وأساسها أي ومبنية على اي، مين قال إن صلاح مبيلعبش؟، بالمناسبة يعني هو صلاح أهم هداف للمنتخب تاريخيا مش بيلعب ازاي؟، اومال جايب الأهداف دي كلها ازاي؟».
لازم يبقى إخوان عشان يعجب؟
وتابع: «هو لازم يبقى إخوان عشان يعجب، هو محمد صلاح لازم يبقى مع الجماعة عشان يبقى حلو؟.. هو محمد صلاح لازم يمشي في سكة أبو تريكة؟، يعني لازم يقعد برا ويرفع علامة رابعة؟».
محمد صلاح ضمن أساطير كرة القدم
وواصل: «هو محمد صلاح لازم يهاجم الدولة عشان يبقى كويس؟، محمد صلاح لا علاقة له بالسياسة ومش هيبقى ليه، محمد صلاح بيلعب كورة، تركيبة مؤسسية بامتياز، مش بيدوس لحد على طرف، وبيلعب مع كل الفرقة من أصغرهم لأكبرهم سنا بمنتهى اللطف والاحتواء والتواضع».
واختتم: «اللاعيب المصري الوحيد اللي اتحط اسمه من ضمن أساطير كرة القدم، اللعب الشرق أوسطي الوحيد اللي اسمه اتحط زي ميسي ومارادونا».
في وقت سابق، قال الإعلامي يوسف الحسيني إن مصر ستقضي على ظاهرة النخانيخ ومن شابههم، مؤكدا ضرورة التعامل بحسم مع أي نماذج للثراء غير الواضح أو غير المفسر، متابعا: وتابع الحسيني: «لسا في نخانيخ خلف ستار الكباب والكفتة وكبدة وسجق ومحلات». وذلك خلال برنامجه “مساء جديد” على قناة المحور.
مصادر الثروات.. هل نجاحهم طبيعي؟
وأضاف "الحسيني" أن هناك بعض الحالات التي تثار حولها تساؤلات بشأن مصادر الثروات، مشيرا إلى أن طبيعة الأنشطة الاستثمارية في بعض الملفات تثير علامات استفهام حول مدى اعتمادها على دراسات جدوى حقيقية وإدارة اقتصادية واضحة، أو ما إذا كانت تقوم على أسس غير معلنة، مواصلا: إزاي بيحققوا مليار واتنين وعشرة؟.. مطالبا بفتح ملفات جميع “النخانيخ”.
وأوضح أن بعض التقديرات المرتبطة بالأرباح والثروات الضخمة خلال فترات زمنية قصيرة تطرح تساؤلات منطقية حول حجم هذه المكاسب وطبيعتها، داعيا إلى ضرورة وجود رقابة دقيقة وتدقيق مستمر على مصادر الأموال في مختلف القطاعات.
وشدد على أن حديثه لا يقتصر على شخص بعينه، وإنما يمتد ليشمل ما وصفه بظاهرة أوسع تتعلق بأشخاص أو كيانات تتراكم حولها علامات استفهام بشأن مصادر دخلها ونمو ثرواتها.
