مي عز الدين : مش هنسى دعم تامر محسن ليا بعد وفاة أمي
كشفت الفنانة مي عز الدين في برنامج صاحبة السعادة عن واحدة من أصعب فترات حياتها بعد وفاة والدتها، مؤكدة أن الدعم الإنساني الذي تلقته من المخرج تامر محسن كان له تأثير كبير في خروجها من حالتها النفسية الصعبة.
مش هنسى اللي عمله معايا تامر محسن
وقالت مي عز الدين، خلال اللقاء: ««مش هنسى اللي عمله معايا تامر محسن لحد آخر يوم تصوير… أنا عايزه أخد حقي هعتبر إن زي ما انت كنت بتقولي إنه ربنا بيتدخل طبعا في أوقات احنا في أشد الاحتياج ليه».
وتابعت وهي تسترجع لحظة العزاء وما كان بداخلها من ألم: «فيه اثنين فارس إنقاذ… ترتيب الزمن مش عارفة، بس تامر محسن هو الفارس الأول… في لحظة سوداوية قدام عينيكي ما عندكيش فكرة إيه اللي ممكن يحصل في الدنيا… من اللحظة اللي أنا في العزا فيها».
وأضافت: «كان جوايا إحساس إن أي حاجة ممكن تحصل… وفجأة ييجي حد يقول لك يلا نعمل قلبي ومفتاحه، أنا عايزة أعيش المرحلة دي معاك».
أول تواصل بينها وبين تامر محسن بعد وفاة والدتها
وتحدثت مي عز الدين عن أول تواصل بينها وبين تامر محسن بعد الوفاة قائلة: «استاذ تامر كلمني إنه عايز يجي يعزيني… وأنا كنت حابسة نفسي في أوضة ومش بقابل حد، بس اتحركت وقابلته».
وأكدت حجم تأثير اللقاء الأول بينهما: «قعد معايا والله العظيم لا يقل عن ساعة… الإنسان ده مش مخرج عظيم بس، ده إنسان… وده اللي أهم».
وأوضحت أن جلسته معها لم تكن عادية، بل كانت دعمًا نفسيًا عميقا: «قعد يشتغل عليا نفسيًا… أنا ما كنتش فاهمة هو بيعمل إيه، استوعبت بعدين إنه زي الدكتور النفسي، قعد يقول لي قولي حاسة بإيه وطلعي اللي جواكي».
