أحمد موسى عن التشكيك في المونوريل: مستهدفينه ولازم ناخد بالنا

كشف الإعلامي أحمد موسى حقيقة المنشورات المتداولة بشأن التشكيك في المونوريل وإدارته من قبل شركة فرنسية.

رديت وقلت هذا الكلام غير صحيح

وخلال برنامج «على مسؤوليتي» المذاع على قناة صدى البلد، علق موسى قائلا: «رديت وقلت هذا الكلام غير صحيح، اللي بيديروه حاليا الشركة المصرية للمترو فنيون ومهندسون وعمال مصريون مع الفرنسيين، ما إحنا دربنا أولادنا وشبابنا والمهندسين بتوعنا، ما كان أول حاجة سيادة الرئيس نعمل ده لازم أولادنا يأخذوا الخبرات».

وتابع أحمد موسى: «عادة ما بدخلش أعلق على حاجات خارج حسابي يعني، لكن لما بلاقي حاجة فيها أكاذيب أدخل أتكلم وأرد، وياما ناس عمالين يروجون شائعات كثيرة جدا، ولقيت ناس كتير دخلوا علقوا بعدي كتير، كلها تعليقات إيجابية طبعا وبالتالي دعم كثير بيتم لهذا الأمر، والمونوريل من أول ساعة لدلوقتي مستهدف، لكن ما بيخليش المصريين، بالعكس، المصريون يروحون أكثر، ويركبون المترو أكثر، ويبقى مزدحما أكثر لأنه وسيلة مواصلات آمنة ورخيصة وسريعة». 

المونوريل أرخص من عربيتك

وواصل قائلا: «تروح المونوريل من وإلى العاصمة الجديدة أرخص من لو عربيتك أرخص لو وسيلة نقل أخرى أرخص، فالمترو أرخص وأوفر وأحسن وأسرع وكل شيء، وبالتالي لازم نأخذ بالنا من استهداف أي عمل بيتعمل أهو، مش قال لك ستاد العاصمة الفيفا بتقول عليه وقال لك الحقوا كارثة جديدة ستاد العاصمة مش مطابق للمواصفات الدولية، تخيلوا؟». 

عايزين نوصل لدور الـ8 في كأس العالم

وبشأن مباريات مصر في كأس العالم، واصل أحمد موسى: «عايزين نوصل لدور الـ8 في كأس العالم، وليه لأ؟، ما يبقى عندنا طموح يا جماعة، وليه ما عنديش الدور الأول؟، منتخب مصر ومحمد صلاح ومرموش وباقي النجوم بتوعنا ورجالتنا نلعب ونعدي إن شاء الله، فأي شيء يضر كل حاجة بس لازم ترد ولازم توضح ولازم تقول إنه اللي بيحصل ده كله شيء غير حقيقي».