بين التحديات والفرص.. المهندس تامر بكير يتحدث عن مستقبل السوق العقاري في مصر

تحدث المهندس تامر بكير، الرئيس التنفيذي لشركة ركاز للتطوير العقاري، عن أبرز الفرص والتحديات التي يشهدها القطاع العقاري في مصر خلال الفترة الحالية، مؤكدًا أن السوق المصري يمتلك فرصًا قوية لجذب الشركات الأجنبية والتوسع في الاستثمار الإداري والتجاري.

أماكن ممتازة لجذب الشركات الأجنبية

وقال «بكير» خلال حواره ببرنامج «ساعة اقتصاد» على قناة المحور: «الفرص اللي عندنا في الفترة الحالية هي “أماكن ممتازة” لاستقطاب الشركات الأجنبية اللي هي تبقى موجودة ومتوطنة هنا في مصر، وده مثلا في أماكن زي العاصمة الجديدة والتجمع وغرب القاهرة بالتحديد العاصمة الجديدة فيها مباني دلوقتي مبنية».

وأضاف بكير: «أطلقت من فترة مبادرة تهدف إلى استقطاب الشركات الأجنبية، ولو استقطبنا الشركات الأجنبية ودينا لها بعض المحفزات اللي هي تبقى موجودة عن طريق إعفاءات ضريبية زي ضريبة الدخل أو غيرها أو إعفاءات لفترة معينة».

البلد فيها أمان فنقدر نستفيد

وتابع تامر بكير: «مع كل الناس اللي هتبقى موجودة هيحصل انتعاش في الأماكن الإدارية والأماكن غير الإدارية وعن طريق الضرائب غير المباشرة، فده هيبقى شيء كويس جدا، ودي فرصة كويسة جدا، لأن البلد فيها أمان فنقدر نستفيد»، مشيرا إلى أن استقطاب الشركات الأجنبية وتقديم التسهيلات يعد مسئولية مشتركة بين الحكومة والقطاع الخاص.

المستثمر محتاج محفزات عشان يجي مصر

وأوضح تامر بكير: «دلوقتي أقدر أجهز المبنى بتاعي أو الأماكن اللي عندي، اللي المستثمر ييجي يستخدمها، لكن أنا محتاج من الحكومة المحفزات اللي هي هتديها للمستثمر اللي جاي عشان يأجر عندي في المكان أو المبنى بتاعنا، متابعا: «المستثمر محتاج محفزات عشان يسيب المكان اللي هو فيه أو يسيب البلد اللي هو فيها وييجي يقعد هنا، اقتصايا، هتلاقي إن اللي بيشتغل في أي دولة هنا هيبقى الإيجار أقل، المعيشة أقل، المواصلات أقل، جودة المناخ أحسن، الأمن والأمان أفضل، فأي شركة عالمية لما تيجي تحسبها هتلاقي إن اللي هنا ممكن يوفر من 30% لغاية 50% من تكلفة التشغيل الخاصة بها”.