أحمد عز: تكلفة إنتاج سفن دوجز تخطت الـ 40 مليون دولار.. والخواجة مش أحسن مننا
تحدث الفنان أحمد عز عن تكلفة إنتاج فيلمه الجديد مع كريم عبد العزيز “سفن دوجز”، مشيرًا إلى أنه تكلف ميزانية ضخمة.
وقال أحمد عز خلال المؤتمر الصحفي للفيلم: " أن تكلفة إنتاج الفيلم 40 مليون دولار، إحنا مش متعودين على الرقم ده في الصناعة.. ومسؤولية كبيرة إنهم يجيبوا اتنين مصريين في حتة كبيرة، والمخرجين فيه بينهم تناغم ومحترفين خاصة أن جذورهم مغربية، الفيلم صعب جدًا".
وأضاف أحمد عز عن سبب حماسته لتقديم بطولة الفيلم: أنا اللي بيحمسني للمشاركة في أي عمل هو أني أشوف هكون مختلف عن اللي قدمته قبل كده ولا لأ، واللي حمسني وجود تركي آل الشيخ في ووجود كاست كبير وسعيد إني أقف معاهم في نفس اللوكيشن، والمخرجين مخلصين وفيلم فيه كل العناصر اللي بتقولك تعالى انجح، أنا دايمًا حاسس أن الخواجة مش أحسن مني هما كويسين لكن إحنا كمان نقدر نروح أبعد، الموضوع عاوز التزام".
