أحمد عز: الفن مش إنك تتشهر ولا تبقى تريند وهذه كواليس التصوير مع نجوم عالميين
كشف الفنان أحمد عز، أن الفن لا يعني الشهرة أو التريند، بل هو أن تكون سفير لبلدك، كما كشف كواليس التصوير مع نجوم عالميين.
وأوضح أحمد عز على هامش المؤتمر الصحفي لفيلم سفن دوجز:"الفن مش بس إنك تتشهر ولا تبقى تريند، إنك تكون سفير لبلدك، لإنك تعرف تتكلم إزاي، أنا لا ادعي اني بقدم نماذح.. لكن حتى لو الفيلم للتسلية أنا عاوز أقدم حاجة الناس تبقى فخورة بيها، ومش عاوزة حاجة من ورا ده ولا أقول إني أحسن، عاوز اعمل أفلام كويسة تعيش".
كما كشف أحمد عز، عن كواليس أول يوم تصوير للفيلم، وقال:"أول يوم تصوير مع مارتن لورايس، أنا وكريم بصينا لبعض وقلت له أنت مصدق، أنت فاهم، وجود ممثلين كبار دي حاجة كبيرة جدًا، وتديك مسوؤلية إنك تكون على نفس المستوى ده.. إحنا أحسن لو محطوط في الإطار الصح".
وكشف موقفًا للفنانة العالمية مونيكا بيلوتشي، خلال التصوير، وقال: “كنا بنصور في رمضان وحد بيعزم عليها ببلح الشام قال ليه لا أنا ماكلش في مكان التصوير آكل في اوضتي.. في رأي النجاح بيبدأ من هنا”.
