إبراهيم عيسى يدعو المصريين للاستفادة من مشروعات العاصمة والعلمين

أجاب الإعلامي إبراهيم عيسى عن سؤال: «لماذا شاركت في إعلان العاصمة الجديدة؟»، قائلا: «أنا طلعت قولتلك إن مشروع العاصمة الإدارية مش من أولويات مصر وقولت ده من اليوم الأول وقولت دا من اليوم الأول، وقولت ياريت كان القطاع الخاص أو الاستثمار الأجنبي هو اللي يعمله زي رأس الحكمة كده ولا زلت عند رأيي». 

العاصمة الإدارية أصبحت موجودة

وأضاف عيسى خلال فيديو له على قناته على اليوتيوب: «العاصمة الإدارية أصبحت موجودة، يعني مباني عملاقة شاهقة، مشروعات جبارة، طرق كلفت مليارات يبقى ايه مهمتنا دلوقتي مهمتنا ان احنا نستغلها دي فلوس الشعب وأموال الشعب وثروة الشعب المصري، انت عايزني موقفي من إنها مش أولوية لا يزال موجودا إنما موقفي دلوقتي يلا نستثمر فيها يلا نتواجد فيها يلا نروحها يلا نشتغل فيها اومال عايز تهدر الثروة دين عايز تضيع أموال ومليارات ضاعت على الشعب عايز تضيعها الشعب خلاص». 

دعوة للمشاركة في العاصمة

وتابع: «مكانش المفروض تتبني بس اتبنت، نعمل ايه؟.. نقاطعها بالعكس أنا ادعوكم جميعا أنكم تشاركوا في كل ما يخص العاصمة الإدارية نستثمر اللي اتعمل نكسب حتى من اللي اتعمل وبقولك شيء رهيب يعني اللي يروح ويشوف روح 3 مرات او 4 غير بقى اللي بيروحوا لزيارات حكومية وغيرها مباني رهيبة وعملاقة ومنشآت جبارة لازم نستفيد بيه».

لازم نبدأ من جديد معاها

وواصل: «لازم نبدأ من جديد معاها ولما يبقى فيها مكتبة عملاقة أكبر من مكتبة إسكندرية نعملها ونملاها كتب ونعمل فيها مؤتمرات وأمسيات ونجيب كل شعراء العالم وكل دواء العالم ايوه ده المفروض أنا كنت ضد فكرة العلمين وأنه يتولاها القطاع الخاص والدولة متتخشش في مشروعات مثل هذه تنفق عليها مليارات ما اتعملت مقولكش تعال بقى نمتنع إن احنا نصيف نصيف العلمين ايه الجنون ده بالعكس أنا قولتلهم لو عملتوا إعلان عن العلمين أنا عايز أشارك فيهزز ليه؟ عشان نستثمر اللي حصل». 

تحريض الشعب المصري

واختتم: «أنا أحرض الشعب المصري كله على أنه يتعامل مع منجز العاصمة الإدارية ومع العلمين ومع كل المشروعات اللي انت كمواطن أو أنا كمواطن كنت شايف إنها مش من أولوياتنا، طول الوقت قاعدين نتكلم على الكباري والطرق و مش عارف ايه ما يعني انت رايك أنه الطرق زادت عن حدها والمفروض يعني مكناش ننفق كل ده بس وبعدين مش هتطلع الطريق جديد مش هتركبه تستخدمه انت مجنون؟.. هتهدر ثروة أمة، فلوس ادفعت وأموال وديون للركب ما نستغلهاش ونستخدمها بقى».