كريم سرور يعود بشراهة إلي التدخين بعد توقف 4 أشهر: "راجع بغشومية ومعييش فرامل"
أعرب المؤلف كريم سرور عن ابتعاده عن التدخين تمامًا لمدة 4 شهور، ولكن بعد ذلك عاد بشراهة منذ 10 أيام، وذلك من خلال منشور عبر حسابه الرسمي على موقع التواصل الإجتماعي فيسبوك.
كريم سرور يعود إلي التدخين
حيث قال كريم سرور معلقًا: “بعد ٤ شهور توقف عند التدخين تماماً، جاءت لحظة مع نسمة هواء طلق أنعشت صدرى وتجليت اوى فيها كدة بإبتسامة واسعة اوى وصدر نظيف قادر على استنشاق الهواء حتى النخاع فقررت أن تكون لهذه اللحظة سيجارة واحدة فقط مع فنجان قهوة لاستعادة شعور قديم افتقدته وخفت انساه ، كان بقالى حوالى ٧ شهور مش بشرب قهوة كمان ، شربت السيجارة دى وقلت ياااااااااااه على الطعامة ، يامنتم متهنيين ياهل البندر ( بصوت على الشريف فى فيلم الأرض )، وقلت خلاص بما أنى صاحب إرادة فولاذية كدة فما المانع أن تكون العادة فقط هى سيجارة واحدة يومياً مع فنجان القهوة ولتكن فى الثامنة مساءً كل يوم ، وقد كان ، أحدثكم الآن بعد ١٠ ايام من اللحظة دى وكل سنة وانتم طيبين ، دلوقتى بشترى علبتين فى اليوم ، ادعولى بقى عشان راجع بغشومية ومعييش فرامل.”
كريم سرور يكشف عن مطالبته بحقه المادي في إحدى المشاريع
في سياق آخر، قد خرج الفنان كريم سرور عن صمته ليكشف عن مطالبته بحقه المادي في إحدى المشاريع الفنية، ورد المنتج استفزه بشكل كبير، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
وقال كريم سرور في منشوره: “كنت فى خناقة دلوقتى بطالب فيها بحقى المادى فى مشروع فنى ما وقلت فى النهاية انى هلجأ للقضاء واخد حقى بالقانون فالمنتج ضحك (بجد ضحك) وقاللى انت فاكر نفسك فى امريكا ، انزل للواقع خليك معانا هنا فى مصر، اقبل اللى هدهولك والا هتلف فى المحاكم ومش هتاخد حقك وقاللى انت فاكر ان هنا اللى بيعمل لواحد كدة ( وشاور بصباعه كأنها مطوة يعنى بيعمل جرح ) وراح يشتكى هيجروا يجيبوله حقه ، بعدها انا مردتش وفضلت شوية ساكت وفكرت هو ايه اللى يخلى راجل لمجرد انه معاه فلوس كتير يقول انى مقدرش اخد حقى بالقانون فى مصر وبيقولى فووووق القاضى مش هيعملك حاجة ، جاب الثقة دى منين ؟؟ هو احنا عايشين فين بالظبط !!”.
واستكمل كريم سرور منشوره قائلًا: “للحظة قلت هو انا ليه مصورتوش بس تراجعت وقلت اكيد مش هتبقى دى الطريقة الوحيدة اللى هاخد بيها حقى، انسحبت فى النهاية وقولتله خاينا نشوف ايه اللى هيحصل وانا عارف ازاى هاخد حقى، بس مازالت ملامحه وتعبيراته مستفزة جداً لدرجة انى بقالى اكتر من ٣ ساعات الاكل قدامى ومش قادر امد ايدى حتى عليه ومتنح وساكت ومش فاهم حاجة، حقيقى مش فاهم حاجة يعنى إيه !!!”.
