عقيد فؤاد أحمد أيوب عن رائد محمد أحمد غنيم: كان راجل بمعنى الكلمة

تحدث عقيد فؤاد أحمد أيوب عن رائد محمد أحمد غنيم، قائلا: «الله يرحمه الشهيد غنيم كان لازم أختاره أول واحد، كان راجل بمعنى الكلمة، كان دؤوب في شغله، كان بيحافظ على الروح المعنوية للقوات، كان نعم الأخ والقائد والمعلم». 

تنفيذ مهمة في الشرق

وأضاف، خلال ظهوره في فيلم «صخر»، ضمن سلسلة فيلم «حكاية بطل»، المنشور عبر الصفحة الرسمية للمتحدث العسكري للقوات المسلحة: «كلفنا بهذه المهمة من قبل القيادة العامة إن احنا نتحرك من قوات التدخل السريع لتنفيذ مهمة في الشرق». 

في وقت سابق، تحدث نقيب محمد محمود أبو مصطفى عن مساعد صلاح جمال حافظ، قائلا: «يوم الاستشهاد كان عندنا مداهمة في كمين صابر 4، نبدأ نتحرك، القُوُل عبارة عن 3 عربيات مدرعة إم راب، تصطف العربيات على البيت على شكل حرف U». 

إعاقة عمل العبوات الناسفة

وأضاف، خلال ظهوره في فيلم «الحكيم» ضمن سلسلة «حكاية البطل»، المنشور عبر الصفحة الرسمية للمتحدث العسكري للقوات المسلحة: «الشهيد صلاح الله يرحمه كان شايل جمر بيعيق عمل العبوات الناسفة اللي ممكن تشتغل عن طريق اللاسلكي».

تاني طلقة في الصول صلاح

وتابع: «أنا لما دخلت البيت عشان أقدر أحدد أي جسم غريب بيشتبه في كونه عبوة ناسفة مرتجلة، وبالتالي هو كان ورايا على طول عشان لو في أي عبوة ناسفة مرتجلة لا سلكية يقدر يشوش عليها، لقيت إن في عناصر قناصة بتضرب علينا، وأول طلقة قناصة طلعت خبطت في الحيطة اللي قدامنا، تاني طلقة لقيت الصول صلاح الله يرحمه كان مرتكز طبعا وجنبه جهاز الجمر ووقع على الأرض واتشاهد بصوت جهوري جدا».

لحظة استشهاد الحكيم

واختتم: «بدأت أنزل أخد ساتر وأشد الصول صلاح، قلعته الخوذة بتاعته والفيست لما شوفت إن هو اتصاب في الجانب الأيمن، كول الطريق كنت بحاول أكلم الصول صلاح وأنادي عليه عشان يكون وعيه موجود معايا، لكن بمجرد وصولنا للمستشفى، الدكتور بلغنا إن هو استشهد». 

من جانبه، تحدث مقدم علي طه دفيه عن مساعد صلاح جمال حافظ، قائلا: «عناصر المهندسين في شمال سيناء هما دول اللي فعلا بيتقال عليهم بيصحوا الصبح يدوروا على الموت، بيدرورا على عبوة، ودا اكان دور الصول صلاح في المداهمة اللي كان فيها، إن هو الفرد اللي بينزل أول واحد من الدبابة». 

أول واحد بيتعامل مع العبوات

وأضاف، خلال ظهوره في فيلم «الحكيم» ضمن سلسلة «حكاية البطل»، المنشور عبر الصفحة الرسمية للمتحدث العسكري للقوات المسلحة: «هو أول واحد بيشوف البيت، أول واحد بيتعامل مع العبوات لو في عبوات، هو بياخد جهاز الإعاقة يحطه جوا البيت عشان كل الناس اللي بعد كده نازلة تبقى آمنة».